'తూనీగ తూనీగ' సినిమాతో తెలుగు తెరకు పరిచయమైన సుమంత్‌ అశ్విన్‌, పలు విజయవంతమైన చిత్రాల్లో నటించాడు. యంగ్‌ హీరోల రేసులో సుమంత్‌ అశ్విన్‌ది స్పెషల్‌ రూట్‌. ఎక్కువగా భావోద్వేగభరితమైన సినిమాల్ని ఎంచుకుంటుంటాడు సుమంత్‌. అలా ఎంచుకున్న సినిమాల్లో కొన్ని బోల్తా కొట్టినాసరే.. ఆ తరహా సినిమాల్ని వదులుకోవడంలేదు. 

చూడగానే ఎట్రాక్ట్‌ చేసే రూపం, దానికి తోడు మంచి స్టయిలింగ్‌.. ఇవే కాదు, బోల్డంత సెన్సాఫ్‌ హ్యూమర్‌, కామెడీ టైమింగ్‌, నటనా ప్రతిభ.. అన్నీ వున్నాయ్‌ సుమంత్‌ అశ్విన్‌లో. ఈ యంగ్‌ హీరో ఇప్పుడు 'ప్రేమ కథా చిత్రమ్‌ -2'లో నటిస్తున్నాడు. గతంలో సుధీర్‌బాబు హీరోగా నటించిన 'ప్రేమ కథా చిత్రమ్‌' అప్పట్లో సంచలన విజయాన్ని అందుకున్న విషయం విదితమే. ఆ బాటలోనే 'ప్రేమ కథా చిత్రమ్‌ -2' కూడా థ్రిల్లింగ్‌ ఎంటర్‌టైనర్‌లా రూపొందుతోందట. 

ఈ సినిమాలో 'జంబలకిడి పంబ' ఫేం సిద్ది ఇద్నాని హీరోయిన్‌గా నటిస్తోంది. మరో హీరోయిన్‌గా నందిత శ్వేత నటిస్తోంది ఈ సినిమాలో. 'ఎక్కడికి పోతావు చిన్నవాడా' సినిమాలో దెయ్యం పాత్రలో రెచ్చిపోయి నటించేసింది నందిత శ్వేత. ఆమె పాత్ర ఆ చిత్రానికి ఎంత పెద్ద ప్లస్‌ అయ్యిందో అందరికీ తెలుసు. 'ప్రేమ కథా చిత్రమ్‌' సినిమాకి సంబంధించి కొన్ని స్టిల్స్‌ విడుదలయ్యాయి. 

వీటిల్లో సుమంత్‌ అశ్విన్‌ స్టైలింగ్‌ ఇప్పుడు తెలుగు సినీ పరిశ్రమలో హాట్‌ టాపిక్‌గా మారింది. ఈ సినిమాతో సుమంత్‌ అశ్విన్‌కి మంచి కమర్షియల్‌ హిట్‌ దక్కుతుందని చిత్ర దర్శక నిర్మాతలు అంటున్నారు.