కమెడియన్‌ నుండి, హీరోగా మారిన సునీల్‌ హీరోగా తనకంటూ ప్రత్యేక గుర్తింపు పొందాడు. అయితే ఈ మధ్య సునీల్‌ సినిమాల్లో పెద్దగా సక్సెస్‌ సాధించినవి లేవనే చెప్పాలి. దాంతో చాలా గ్యాప్‌ తీసుకున్నాడు. త్వరలోనే 'ఉంగరాల రాంబాబు' సినిమాతో మన ముందుకు రానున్నాడు ఈ నవ్వుల రారాజు. 'మళ్లీ మళ్లీ ఇది రానిరోజు' వంటి ఫీల్‌ గుడ్‌ రొమాంటిక్‌ మూవీని తెరకెక్కించిన డైరెక్టర్‌ క్రాంతిమాధవ్‌ ఈ సినిమాని తెరకెక్కించారు. ఈ సినిమాలో సునీల్‌ కొంచెం కొత్తగా కనిపిస్తున్నాడు. ఎప్పటిలాగే డాన్సులు అదరగొట్టేశాడు. అది సునీల్‌కి మామూలే. ప్రోమోస్‌ చూస్తుంటే, చాలా రిచ్‌గా సినిమా తెరకెక్కినట్లు కన్పిస్తోంది. హీరోయిన్‌ కూడా కొత్తగా కనిపిస్తూ ఆకట్టుకుంటోంది. మియా జార్ట్‌ ఈ సినిమాలో హీరోయిన్‌గా నటిస్తోంది. ప్రోమోస్‌ వరకూ అయితే సినిమా బాగున్నట్లే అనిపిస్తోంది. పాటల చిత్రీకరణ కూడా ఆకర్షించేలా ఉంది. ఈ తరహా ప్రీ రిలీజ్‌ టాక్‌ ఏ సినిమాకి అయినా పెద్ద ప్లస్‌ పాయింట్‌. క్రాంతి మాధవ్‌ డిఫరెంట్‌ స్క్రీన్‌ప్లే ఈ సినిమాకి ఇంకో ఆకర్షణ. సునీల్‌ ట్రేడ్‌ మార్క్‌ కామెడీతోపాటు, క్రాంతి మాధవ్‌ మేకింగ్‌ స్టయిల్‌ ఈ సినిమాని సూపర్‌ హిట్‌గా మలుస్తుందని భావించొచ్చేమో. మంచి టైమింగ్‌లో వస్తున్న సునీల్‌ ఈసారి హిట్టు కొట్టేలానే ఉన్నాడు. ఈ నెల 15న ప్రేక్షకుల ముందుకు రానుంది సునీల్‌ 'ఉంగరాల రాంబాబు'.