హాట్‌ బ్యూటీ సన్నీలియోన్‌ దక్షిణాదిన ఇంతవరకూ ఐటెం సాంగ్స్‌లోనే మెరిసింది. అది కూడా తెలుగులో చేసిన రెండు సాంగ్స్‌. 'కరెంట్‌ తీగ' సినిమాలో మంచు మనోజ్‌తో ఓ ఐటెం సాంగ్‌తో మురిపించింది గతంలో సన్నీలియోన్‌. ఆ తర్వాత లేటెస్టుగా వచ్చిన 'గరుడవేగ'. ఈ సినిమాలో 'డియో డియో..' అంటూ సాగే స్పెషల్‌ సాంగ్‌ సన్నీకి బాగా గుర్తింపు తెచ్చి పెట్టింది. తాజాగా సన్నీలియోన్‌ ప్రధాన పాత్రలో సౌత్‌లో ఓ సినిమా తెరకెక్కుతోన్న సంగతి తెలిసిందే. ఇది కూడా ఓ వారియర్‌ క్వీన్‌ తరహా చిత్రం కావడం విశేషం. ఈ తరహా కథాంశంతో తెరకెక్కుతోన్న సినిమాలో సన్నీ నటించడం ఇదే తొలిసారి. ఈ సినిమాకి టైటిల్‌ లోగోను రిలీజ్‌ చేస్తూ చిత్ర యూనిట్‌ సస్పెన్స్‌లో పెట్టింది.

టైటిల్‌లోని చివరి రెండక్షరాలనూ విడుదల చేసి, అసలు టైటిల్‌ ఏంటో చెప్పుకోండి చూద్దాం అని సవాల్‌ విసిరింది. ఊరకనే కాదులెండి. ఈ టైటిల్‌ ఏంటో చెబితే, సన్నీలియోన్‌తో సెల్ఫీ ఫ్రీ.. ఫ్రీ.. ఫ్రీ.. ఇంకేముంది సన్నీలియోన్‌ అభిమానులు ఆమెతో సెల్ఫీ కోసం సోషల్‌ మీడియాలో తమ క్రియేటివిటీనంతా ప్రదర్శించేస్తున్నారు, టైటిల్‌ని కనుగొనడం కోసం. తెలుగులోనూ ఇంగ్లీష్‌లోనూ ఈ టైటిల్‌ చివరి అక్షరాలను విడుదల చేశారు. తెలుగులో చివరి రెండక్షరాలు 'దేవి' అని ఉండగా, ఇంగ్లీష్‌లోనూ, తమిళంలోనూ, హిందీలోనూ ఇవే అక్షరాలు కన్పించాయి. వీటి చివర ఓ పక్షి రెక్క కూడా ఉంది.

ఈ ప్రతిష్టాత్మక చిత్రంతో సన్నీలియోన్‌ దక్షిణాదిన ఫుల్‌ లెంగ్త్‌లో ఓ చిత్రం చేస్తున్నట్లన్న మాట. సన్నీలియోన్‌ కత్తి పట్టి, యుద్ధాలు కూడా చేయనుందీ. ఇక టైటిల్‌ సస్పెన్స్‌ పక్కన పెడితే, దేవి పేరుతో రకరకాల పేర్లు టైటిల్స్‌గా రూపొందుతున్నాయి సోషల్‌ మీడియాలో. రతీ దేవి, సతీ దేవి, కామదేవి వంటి పేర్లు ప్రచారంలోకి వచ్చాయి. ఇంతకీ ఈ సినిమా టైటిల్‌ ఏమై ఉంటుందో చెప్మా. తమిళ డైరెక్టర్‌ వడి ఉదయన్‌ ఈ సినిమాకి దర్శకత్వం వహిస్తుండగా, స్టీవ్‌ కార్నర్‌ నిర్మాతగా వ్యవహరిస్తున్నారు.