బాలీవుడ్‌ బ్యూటీ సన్నీలియోన్‌ నటిస్తున్న తొలి దక్షిణాది చిత్రం టైటిల్‌ని చిత్ర యూనిట్‌ ప్రకటించింది. మొదట్లో ఈ టైటిల్‌ చివరి రెండక్షరాలను వదిలి పూర్తి టైటిల్‌ కనుక్కోండి..కనుక్కున్న వారికి సన్నీలియోన్‌తో సెల్ఫీ దిగే బంపర్‌ ఛాన్స్‌.. అని చిత్ర యూనిట్‌ ప్రకటించింది. ఇప్పుడు టైటిల్‌ని అధికారికంగా రివీల్‌ చేశారు. అదేంటో తెలుసా? 'వీర మహాదేవి'. 'వీర మహాదేవి' టైటిల్‌తో రాబోతున్న సన్నీలియోన్‌ చిత్రం అత్యంత ప్రతిష్ఠాత్మక చిత్రం.. చారిత్రక నేపథ్యంలో తెరకెక్కుతోంది. ఈ సినిమాని తెలుగు, తమిళ, హిందీ, మలయాళ భాషల్లో నిర్మిస్తున్నారు. తమిళ దర్శకుడు వడి ఉదయన్‌ ఈ సినిమాని తెరకెక్కిస్తున్నారు.ఈ తరహా చిత్రంలో నటించడం చాలా ఆనందంగా ఉందని అంటోంది హాట్‌ బ్యూటీ సన్నీలియోన్‌.

పోర్న్‌ రంగం నుండి వచ్చి, బాలీవుడ్‌ సెక్సీ బ్యూటీగా ఎదిగిన సన్నీలియోన్‌ ఇప్పుడు సౌత్‌ సినిమాలపై ఎక్కువగా దృష్టి పెట్టినట్లు తెలుస్తోంది. నిన్న మొన్నటి దాకా జస్ట్‌ ఐటెం సాంగ్స్‌తో సన్నీలియోన్‌ అప్పియరెన్స్‌ని చూసిన దక్షిణాది ప్రేక్షకులు ఇకపై సన్నీలియోన్‌ని హీరోయిన్‌గా ఓ పూర్తి క్యారెక్టర్‌లో చూడబోతున్నారు ఈ తాజా సినిమాతో. ఈ సినిమాలో సన్నీలియోన్‌ వారియర్‌ క్వీన్‌ పాత్రలో కనిపించబోతోంది. అందుకోసం కత్తి యుద్ధాలు గట్రా నేర్చుకుంటోందట. హాట్‌ హాట్‌గా కనిపించేందుకు ఎన్ని కసరత్తులు చేయాలో అన్ని కసరత్తులు చేసేసిన ఈ హాట్‌ బ్యూటీ ఇప్పుడు ప్రాధాన్యత ఉన్న రోల్స్‌లో నటించేందుకు తాపత్రయపడుతోంది.

ఇటీవలే 'గరుడవేగ' సినిమాలో ఐటెం సాంగ్‌లో నర్తించి, భళా అనిపించుకుంది. మాస్‌ స్టెప్పులతో ఊపు ఊపేసింది. ఈ సినిమా సన్నీకి మంచి గుర్తింపు తెచ్చిపెట్టింది. ఆ సినిమా ప్రమోషన్స్‌కి వచ్చినప్పుడే సన్నీ చెప్పింది.. ఇకపై దక్షిణాది చిత్రాల్లో నటిస్తానని. అన్నట్లుగానే మాట నిలబెట్టుకుంది. బాలీవుడ్‌లో వరుస సినిమాలతో బిజీగా ఉన్నా సౌత్‌ సినిమాల్లో కూడా నటించేందుకు సన్నీలియోన్‌ చూపుతున్న ఇంట్రెస్ట్‌కి మెచ్చుకొని తీరాల్సిందే!