ప్రస్తుతం తెలుగు సినిమా స్థాయి పెరిగింది. తెలుగు హీరోలు కూడా తమ మార్కెట్ పెంచుకుని భారీ పాన్ ఇండియా సినిమాలు చేస్తున్నారు. హై బడ్జెట్ తో తెలుగు సినిమాలు తెరకెక్కుతున్నాయి. ఈ నేపథ్యంలో ప్రాంతీయ భాషల్లో సినిమాలు తీసేవారికి, తక్కువ బడ్జెట్ సినిమాలు చేసేవారికి తెలుగు హీరోలు దొరకటం కష్టం అయిపోతోంది. ఈ క్రమంలో తమిళ, మలయాళ స్టార్ హీరోలపై తెలుగు దర్శకులు ఆసక్తి చూపిస్తున్నారు. వారు కూడా తెలుగు సినిమా మార్కెట్ ని దృష్టిలో పెట్టుకుని మాతృ భాష కంటే తెలుగులో నటించటానికి ఇంట్రస్ట్ చూపిస్తున్నారు.

ఇప్పటికే ధనుష్, దుల్కర్ సల్మాన్ లు తెలుగులో వరుస సినిమాలు చేస్తూ తెలుగు హీరోలుగా చలామణి అవుతున్నారు. ఇప్పుడు ఈ లిస్ట్ లో సూర్య కూడా చేరుతున్నాడు. ఒకప్పుడు తెలుగులో నేరుగా ఒక సినిమా చేయాలని అవకాశం కోసం ఎదురు చూసిన సూర్య ఇప్పుడు తెలుగులో బిజీగా మారుతున్నాడు. 'తండేల్' సినిమాతో బిగ్గెస్ట్ హిట్ అందుకున్న చందు మొండేటి సూర్య తో ఒక సినిమా చేయాలని ఫిక్స్ అయ్యాడు. త్వరలోనే ఈ మూవీ పట్టాలెక్కనుంది.

రీసెంట్ గా లక్కీ భాస్కర్ మూవీతో హిట్ కొట్టిన వెంకీ అట్లూరి కూడా ఒక మూవీకి సిద్ధంగా ఉన్నాడు. ఈ మూవీలో సూర్య హీరోగా నటిస్తున్నాడు. ఈ మధ్య మంచు విష్ణు మోహన్ బాబు బయోపిక్ చేసే ఆలోచనలో ఉన్నట్లు తెలిపి, తెరపై మోహన్ బాబు పాత్రని సూర్య చేయనున్నట్లు కూడా తెలిపాడు. ఇప్పటికి సూర్య చేతిలో మూడు తెలుగు సినిమాలున్నాయి. ఇవి హిట్ అయితే తెలుగులో సూర్య కెరియర్ స్పీడ్ అందుకోవటం గ్యారంటీ. సూర్య ప్రజంట్  తమిళంలో కార్తీక్ సుబ్బరాజ్ తో రెట్రో మూవీ చేస్తున్నాడు.