'ఝుమ్మంది నాదం' సినిమాతో తెలుగు తెరకు పరిచయమైన బ్యూటీ తాప్సీ. గ్లామరస్‌ పాత్రల్లో ఓ మెరుపు మెరిసింది ఈ బ్యూటీ. క్యూట్‌గా నాటీగా కనిపిస్తూనే, వెంకటేష్‌, రవితేజ, ప్రబాస్‌ వంటి స్టార్‌ హీరోయిన్స్‌ సరసన కూడా హీరోయిన్‌గా మెరిసింది. కానీ స్టార్‌ హీరోయిన్‌ అనే బ్రాండ్‌ సంపాదించలేకపోయింది. అయినప్పటికీ తెలుగులో తాప్సీకి గుర్తింపు బాగానే దక్కింది. అయితే ఈ గుర్తింపు అమ్మడికి సంతృప్తినివ్వలేదు. అందుకే బాలీవుడ్‌కి చెక్కేసింది.
అక్కడ కొద్ది కాలంలోనే హీరోయిన్‌గా మంచి గుర్తింపు దక్కింది. హీరోయిన్‌ ప్రాధాన్యత ఉన్న క్యారెక్టర్స్‌లో అవకాశాలు దక్కించుకుంటూ, ఓ రేంజ్‌ హీరోయిన్‌ అనిపించుకుంది. అలా ఓ స్థాయిలో ఉన్నప్పుడే అక్కడ నుండి, టాలీవుడ్‌పై కొన్ని విమర్శనాస్త్రాలు సంధించింది ఈ క్యూట్‌ బ్యూటీ. అయితే ఎందుకో ఇప్పుడు తాప్సీ మళ్లీ టాలీవుడ్‌పై ఫోకస్‌ పెట్టిందనిపిస్తోంది. ఇటీవలే 'ఆనందోబ్రహ్మ' అనే సినిమా ద్వారా టాలీవుడ్‌కి రీ ఎంట్రీ ఇచ్చింది. చిన్న సినిమాతోనే తాప్సీ రీ ఎంట్రీ ఇచ్చినా కానీ, ఇప్పుడు పెద్ద అవకాశాల కోసం కూడా ఎదురు చూస్తోందనీ ఇన్‌సైడ్‌ వర్గాల సమాచారమ్‌. అంటే బాలీవుడ్‌ తాప్సీకి బోర్‌ కొట్టేసిందా? ఏమో మరి ఆమెకే తెలియాలి. అందుకే మళ్లీ టాలీవుడ్‌పై ఫోకస్‌ పెట్టింది కాబోలు.
అయితే తాజాగా తెలుగులో ఓ సినిమాకి తాప్సీ సైన్‌ చేసిందని సమాచారమ్‌. ఆది పినిశెట్టి హీరోగా తెరకెక్కుతోన్న ఓ చిత్రంలో తాప్సీని హీరోయిన్‌గా ఎంచుకున్నారనీ తెలియవస్తోంది. గతంలో ఈ కాంబినేషన్‌ 'గుండెల్లో గోదారి' చిత్రంలో చూశాం. ఒకవేల ఈ న్యూస్‌ నిజమైతే మరోసారి ఈ జంటని స్క్రీన్‌పై చూడొచ్చన్న మాట. ఏదేమైనా ఇలా మెల్ల మెల్లగా తాప్సీ టాలీవుడ్‌లో మళ్లీ వరుస అవకాశాలు దక్కించుకుంటే, గతంలో కొన్నాళ్లు టాలీవుడ్‌కి దూరంగా ఉన్నట్లుగా, బాలీవుడ్‌కీి కొన్నాళ్లు దూరంగా ఉండాలనుకుంటోంది కాబోలు.. చూడాలి మరి.
