ఏజెంట్ సాయిశ్రీ‌నివాస ఆత్రేయ‌తో ఆక‌ట్టుకున్నాడు స్వ‌రూప్‌. త‌న రెండో ప్ర‌య‌త్నంగా `మిష‌న్ ఇంపాజిబుల్‌`ని తెర‌కెక్కిస్తున్నాడు. నిరంజ‌న్ రెడ్డి నిర్మాత‌. ఈ చిత్రంఓ తాప్సి న‌టిస్తోంద‌ని ముందు నుంచీ ప్ర‌చారం జ‌రుగుతోంది. ఇప్పుడు అదే నిజ‌మైంది. ఈ రోజు తాప్సి సెట్స్ లోకి అడుగుపెట్టింది. తాప్సికి వెల్ క‌మ్ చెబుతూ.. చిత్ర‌బృందం ఓ పోస్ట‌ర్ ని విడుద‌ల చేసింది. చేతికి క‌ట్టుతో.. లాప్ టాప్‌ముందు ప‌నిలో నిమ‌గ్న‌మైన తాప్సి స్టిల్ అది. ఈ సినిమాలో తాప్సి పాత్ర టిపిక‌ల్ గా ఉండ‌బోతోంద‌ని చెప్ప‌డానికి ఈ స్టిల్ నిద‌ర్శ‌నంగా క‌నిపిస్తోంది.

ఇటీవ‌ల బాలీవుడ్ లో త‌న‌ హ‌వా చూపిస్తోంది. వ‌రుస‌గా క్రేజీ ప్రాజెక్టులే చేస్తోంది. ఇప్పుడు తాను కూడా పాన్ ఇండియా స్టార్ అయిపోయింది. అందుకే ఈ సినిమాలో తాప్సిని క‌థానాయిక‌గా ఎంచుకుంది చిత్ర‌బృందం. తాప్సి వ‌చ్చిందంటే.. ఇది కూడా పాన్ ఇండియా సినిమా అయిపోయిన‌ట్టే. జులై చివ‌రి వ‌ర‌కూ ఏక ధాటిగా జ‌రిగే షూటింగ్ తో సినిమా పూర్తి చేయాల‌ని చిత్ర‌బృందం భావిస్తోంది. ఈ యేడాదే ఈ చిత్రం విడుద‌ల కానుంది.