మహిళా ఇండియన్ క్రికెట్ టీమ్ పేరు వినగానే అందరికీ గుర్తొచ్చే పేరు మిథాలీ రాజ్. మహిళా క్రికెట్ టీమ్ కెప్టెన్గా రికార్డుల మోత మోగించిన మిథాలీ రాజ్ జీవిత గాధ ఆధారంగా ఓ చిత్రం తెరకెక్కుతోన్న సంగతి తెలిసిందే. ఆ బయోపిక్లో లీడ్ రోల్ పోషిస్తోంది ముద్దుగుమ్మ తాప్సీ పన్ను. తాజాగా ఈ సినిమా నుండి ఫస్ట్లుక్ రిలీజ్ చేశారు. మిథాలీ రాజ్ పాత్రలో తాప్సీ ఒదిగిపోవడం తీరు అందర్నీ ఆశ్చర్యపరుస్తోంది. అవును. ఈ సినిమా కోసం తాప్సీ చాలా చాలా కష్టపడింది. అంతేకాదు, చాలా బెస్ట్ ఛాన్సెస్ కూడా వదులుకుంది. కానీ, ఈ ఫస్ట్లుక్ చూస్తే, తాప్సీ ఎందుకలా చేసిందో అర్ధమవుతోంది.
క్రీడా నేపథ్యమున్న సినిమాలు ప్రస్తుతం ఏ స్థాయిలో ఆదరణ దక్కించుకుంటున్నాయో చూస్తున్నాం. లేటెస్ట్గా కంగనా నటించిన కబడ్డీ నేపథ్యమున్న చిత్రం 'పంగా' విమర్శకుల ప్రశంసలు అందుకుంది. సక్సెస్ఫుల్ రన్ రేట్తో ప్రదర్శితమవుతోంది. అలాంటిది ఓ మహిళా క్రికెట్ టీమ్ కెప్టెన్ బయోపిక్ అంటే, ఖచ్చితంగా అందరిలోనూ ఆసక్తి ఉంటుంది. అందులోనూ మిథాలీ రాజ్ ఓ సెన్సేషన్. ఈ సినిమా తాప్సీ కెరీర్లో ఓ మైలు రాయిగా నిలిచిపోవడం ఖాయమని ఫస్ట్లుక్కి వస్తున్న రెస్పాన్స్ బట్టి అర్ధమవుతోంది. వయాకామ్ 18 సంస్థ ఈ సినిమాని నిర్మిస్తోంది. రాహుల్ ధోలాకియా దర్శకత్వంలో రూపొందుతోన్న ఈ సినిమాని హిందీతో పాటు, తెలుగు తదితర సౌత్ భాషల్లోనూ విడుదల చేసేందుకు సన్నాహాలు చేస్తున్నారు. వచ్చే ఏడాది ఫిబ్రవరిలో సినిమా ప్రేక్షకుల ముందుకు రానుంది.