మిల్కీ బ్యూటీ తెరపై కన్పిస్తే ఆ జోష్‌ ఇంకో లెవల్‌లో ఉంటుంది. చిచ్చర పిడుగు అని అనొచ్చు తమన్నాని. అంత యాక్టివ్‌గా ఆమెను తెరపై చూస్తోంటే ఆ కిక్కే వేరప్పా. కానీ తమన్నా డెఫ్‌ అండ్‌ డంబ్‌ పాత్రలో కనిపించబోతోందన్న న్యూస్‌ కొంచెం కష్టంగానే ఉంది. ప్రయోగాత్మక సినిమాల ఎంపికలో ముందుంటానంటోన్న తమన్నా, ఇప్పుడు ఆ దిశగా అడుగులేస్తోంది. తమిళంలో కొన్ని సినిమాల్లో డీ గ్లామర్‌ లుక్‌తో కనిపించిన మిల్కీ బ్యూటీ, ఓ బాలీవుడ్‌ సినిమా కోసం డెఫ్‌ అండ్‌ డంబ్‌ (మూగ మరియు చెవిటినతం) గర్ల్‌ పాత్రలో కనిపించబోతోందని సమాచారమ్‌. వషు భగ్నానీ రూపొందించనున్న సినిమా కోసమే తమన్నా ఈ రిస్క్‌ చేస్తోంది. బాలీవుడ్‌లో ఇప్పటికే పలు సినిమాల్లో నటించిన ఈ బ్యూటీ 'అభినేత్రి' సినిమాతో నటిగా మరోసారి తన సత్తా చాటి చెప్పింది. లేటెస్ట్‌గా తమన్నా నుంచి విడుదల కానున్న మూవీ ఏదో తెలుసు కదా? అదే 'బాహుబలి ది కంక్లూజన్‌'. ఈ సినిమా ప్రమోషన్స్‌లో తమన్నా బిజీగా ఉంది. తెలుగు, తమిళ, హిందీ భాషల్ని ఏకకాలంలో కవర్‌ చేసేస్తోంది. ఎక్కడికి వెళితే అక్కడి లాంగ్వేజెస్‌లో ఫ్లూయెంట్‌గా 'బాహుబలి' గురించి చెప్పేస్తూ అందరి మనసుల్నీ గెలిచేసుకుంటోంది మిల్కీ బ్యూటీ. ఏదేమైనా మిల్కీ బ్యూటీ ఈజ్‌ వెరీ వెరీ స్పెషల్‌. ఎందుకంటే తెలుగు, తమిళ, హిందీ భాషల్లో తన ఉనికిని ఇన్నేళ్ళుగా చాటుకుంటూనే ఉంది.