ఈ యేడాది విడుద‌లైన క‌న్న‌డ చిత్రం `ల‌వ్ మాక్‌టైల్` మంచి విజ‌యాన్ని అందుకుంది. ప్రేమ‌లోని విభిన్న భావ‌న‌ల్ని చ‌క్క‌గా ఆవిష్క‌రించిన చిత్ర‌మిది. ఓ యూత్ ఫుల్ ల‌వ్ స్టోరీ. ఈ చిత్రాన్ని తెలుగులో రీమేక్ చేస్తున్నారు. సత్యదేవ్, త‌మ‌న్నా జంట‌గా న‌టిస్తున్నారు. నాగ‌శేఖ‌ర్ ద‌ర్శ‌కుడు. ఆయ‌నే నిర్మాత కూడా. సెప్టెంబ‌రులో చిత్రీక‌ర‌ణ ప్రారంభిస్తారు. కీర‌వాణి త‌న‌యుడు కాలభైర‌వ సంగీతాన్ని అందించ‌నున్నారు.
ఇద్ద‌రు అప‌రిచితుల మ‌ధ్య ఏర్ప‌డిన ప్రేమ గాథ ఇది. ప్రేమించుకోవ‌డం, విడిపోవ‌డం, మ‌ళ్లీ క‌లుసుకోవ‌డం - అనే కాన్సెప్టుపై సాగుతుంది. క‌న్న‌డ‌లో 2 కోట్ల‌తో తెర‌కెక్కించారు. అన్నీ కలుపుకుని.. ప‌ది కోట్ల వ‌ర‌కూ లాభాలు సంపాదించిపెట్టింది. తెలుగులోనూ బడ్జెట్ ప‌రిమితుల్లో సినిమాని పూర్తి చేయొచ్చు. అందుకే ఈ చిత్రాన్ని తెలుగులో రీమేక్ చేయాల‌ని నిర్ణ‌యించారు. త్వ‌ర‌లోనే పూర్తి వివ‌రాలు బ‌య‌ట‌కు వ‌స్తాయి.
