మిల్కీ బ్యూటీ మంచి నటి అని ప్రత్యేకించి చెప్పక్కర్లేదు. అయితే తలైవా రజనీకాంత్‌ని ఇమిటేట్‌ చేసేంత మహానటి అంటే ఒప్పుకుని తీరాల్సిందే. అసలింతకీ రజనీకాంత్‌ని మిల్కీ బ్యూటీ తమన్నా ఇమిటేట్‌ చేయాల్సిన అవసరమేమొచ్చిందనే కదా ఈ డౌట్‌. అయితే ఈ స్టోరీ వినండి మరి. బాలీవుడ్‌లో 'లిప్‌సింగ్‌ బ్యాటిల్‌' అనే ఓ టీవీ షో జరుగుతోంది. ప్రముఖ బాలీవుడ్‌ కొరియోగ్రాఫర్‌ ఫరాఖాన్‌ ఆ షోకి హోస్ట్‌గా వ్యవహరిస్తున్నారు. ఈ షోలో పార్టిసిపెంట్స్‌, ఇతర సెలబ్రిటీస్‌ని ఇమిటేట్‌ చేయడమే ఈ షో ప్రత్యేకతన్న మాట. ఈ షోలో పార్టిసిపేట్‌ చేసేది కూడా ప్రముఖ సెలబ్రిటీసేనండోయ్‌. ఆ షోలోనే మిల్కీ బ్యూటీ తమన్నా మెరపులు మెరిపిస్తోంది. ఈ షోలో భాగంగా ముద్దుగుమ్మ తమన్నా సూపర్‌స్టార్‌ రజనీకాంత్‌ని ఇమిటేట్‌ చేయాల్సి వచ్చింది. రజనీకాంత్‌ని ఇమిటేట్‌ చేయడంలో ఇంతవరకూ మగాళ్లనే చూశాం. కానీ ఆడవాళ్లు ఆయన్ని ఇమిటేట్‌ చేయడం ఇదే ఫస్ట్‌ టైమ్‌ కావచ్చు. అదే మిల్కీ బ్యూటీ తమన్నా చేసేస్తోంది. అది కూడా 'రోబో' గెటప్‌లో. రోబో గెటప్‌లో తమన్నా భలే మెరిసిపోతోంది. మరి పర్‌ఫామెన్స్‌ అయితే ఇరగదీసేస్తోందంతే. అసలే యాక్టింగ్‌లో చెలరేగిపోతుంది ఈ బ్యూటీ. ఇక అది తలైవా గెటప్‌ అంటేనా. విజృంభించేస్తోంది. రజనీకాంత్‌ అంటే తనకి చాలా ఇష్టమనీ, ఆయన క్యారెక్టర్‌ని ఇమిటేట్‌ చేయడం అంటే తన అదృష్టంగా భావిస్తున్నానంటోంది మిల్కీ బ్యూటీ. ఈ గెటప్‌లో తమన్నా ప్రస్తుతం తమన్నా 'క్వీన్‌' చిత్రంలో నటిస్తోంది. నీలకంఠ ఈ సినిమాని తెరకెక్కిస్తున్నారు. కంగనారనౌత్‌ హీరోయిన్‌గా తెరకెక్కిన 'బాలీవుడ్‌' క్వీన్‌కి ఇది రీమేక్‌. ఇదే సినిమా తమిళ, మలయాళ, కన్నడ భాషల్లోనూ వేర్వేరు టైటిల్స్‌తో, వేర్వేరు హీరోయిన్స్‌తో రీమేక్‌ అవుతుండడం విశేషం.