ఈ ఫోటోలో ఉన్నది ఎవరో కాదు సొట్ట బుగ్గల చిన్నది తాప్సీ. తెలుగులో 'ఝుమ్మంది నాదం' సినిమాతో క్యూట్‌గా ఎంట్రీ ఇచ్చింది. బాలీవుడ్‌కెళ్లాక చూశారా! తాప్సీలో ఎంత మెచ్యూరిటీ వచ్చిందో. ముద్దు ముద్దుగా ఉండే తాప్పీ, చూపుల్లో షార్ప్‌నెస్‌, బాడీలాంగ్వేజ్‌లో గ్రేస్‌తో టోటల్లీ ఛేంజ్‌ అయిపోయింది. ప్రస్తుతం బాలీవుడ్‌లో బుల్లెట్‌ స్పీడుతో దూసుకెళ్లిపోతోంది. తెలుగులో క్యూట్‌ గ్లామర్‌ పాత్రలకే పరిమితమైన ఈ ముద్దుగుమ్మ బాలీవుడ్‌లో 'పింక్‌' సినిమాతో ఓ రేంజ్‌కి వెళ్లిపోయింది. ఆ సినిమాలో బిగ్‌బీతో పోటీ పడి నటించింది ఈ ముద్దుగుమ్మ. అక్కడ గ్లామర్‌తో పాటు తన టాలెంట్‌ ఉపయోగించి, యాక్షన్‌ కూడా చేసేస్తోంది. హీరోలకి ధీటుగా తన టాలెంట్‌తో విజృంభించేస్తోంది. అందుకే తాప్సీ కోసం టాలీవుడ్‌లో కూడా హీరోయిన్‌ సెంట్రిక్‌ మూవీస్‌ లైన్‌లో ఉన్నాయట. ఈ ముద్దుగుమ్మ నటించిన తాజా చిత్రం 'ఘాజీ' ఫిబ్రవరిలో విడుదలకు సిద్దంగా ఉంది. రానా కధానాయకుడుగా నటిస్తున్నాడు ఈ సినిమాలో.
