రానా, తాప్సీ ప్రధాన పాత్రల్లో నటిస్తోన్న సినిమా 'ఘాజీ'. తెలుగు, హిందీ భాషల్లో ఈ సినిమా తెరకెక్కుతోంది. ఇండియా వ్యాప్తంగా ఇంతవరకూ ఎవ్వరూ టచ్‌ చేయని సబ్జెక్ట్‌ ఇది. సబ్‌మెరైన్‌ ప్రధాన కథాంశంగా ఈ సినిమా తెరకెక్కుతోంది. ఈ సినిమా సబ్జెక్ట్‌ని మెచ్చి బిగ్‌బి అమితాబ్‌ బచ్చన్‌ ఈ సినిమాకి వాయిస్‌ ఓవర్‌ అందించడం విశేషం. అంతేకాదు ఆంధ్ర యువత ప్రత్యేక హోదా నిమిత్తం చేస్తున్న నిరసనలో ఘాజీ డైలాగుల్ని బాగా వాడేసుకున్నారు. అందుకోసమే ఈ డైలాగులు రాసినట్లున్నాయి. బాలీవుడ్‌లో ఈ సినిమాకి పలువురు ప్రశంసలు అందిస్తున్నారు. అలాగే టాలీవుడ్‌లో కూడా ఈ సినిమాపై బాగా ఇంట్రెస్ట్‌ క్రియేట్‌ అవుతోంది. ఇండియన్‌ స్క్రీన్‌పై ఇంతవరకూ ఎవ్వరూ టచ్‌ చేయని సబ్‌మెరైన్‌ సబ్జెక్ట్‌ని ఎంచుకోవడంలో డైరెక్టర్‌ విజన్‌ కనిపిస్తోంది. ఆర్మీ ఆఫీసర్‌గా రానా నటిస్తున్నారు ఈ సినిమాలో. ఈ సినిమాలో తాప్సీ నటన కూడా చాలా కీలకమైనది. ఈ మధ్య తాప్సీ నటనకు ప్రాధాన్యమున్న పాత్రల్లోనే ఎక్కువగా నటిస్తోంది బాలీవుడ్‌లో. ఆమె చేసిన 'పింక్‌' సినిమా ప్రశంసలు అందుకుంది. అలాగే ఈ సినిమా కూడా తాప్సీ కెరీర్‌ బెస్ట్‌ మూవీ అవుతుందని అంచనా వేస్తున్నారు. 'బాహుబలి' సినిమాతో 'భళ్లాలదేవ'గా పాపులర్‌ అయ్యాడు రానా. ఆ సినిమా తర్వాత రానాకి ఆ స్థాయిలో గుర్తింపు తెచ్చే సినిమా అవుతుంది ఖచ్చితంగా 'ఘాజీ' అని చిత్ర యూనిట్‌ నమ్ముతుంది. ఫిబ్రవరి 17న ఈ సినిమా ప్రేక్షకుల ముందుకు వస్తోంది.