బాల నటుడిగా ఎన్నో సినిమాల్లో నటించి, హీరోగా 'నువ్వేకావాలి' సినిమాతో సత్తా చాటాడు యంగ్‌ హీరో తరుణ్‌. బాల నటుడిగా అప్పట్లో తరుణ్‌కి ఉన్న క్రేజే వేరు. హీరోగా ఎంట్రీ ఇచ్చిన 'నువ్వే కావాలి' సినిమాతో రికార్డు స్థాయిలో విజయాన్ని నమోదు చేశాడు. ఆ తర్వాత కొన్ని విజయవంతమైన చిత్రాల్లో నటించాడుగానీ, ఆ తర్వాత చాలానే ఫెయిల్యూర్స్‌ చూశాడు. గత కొంతకాలంగా సినిమాలకు దూరమయ్యాడు. వరుస వైఫల్యాల నేపథ్యంలో కంప్లీట్‌ ఛేంజ్‌ ఓవర్‌ కోసమే ఈ గ్యాప్‌ తీసుకున్నాడనుకోవచ్చు తరుణ్‌. కొంచెం గ్యాప్‌ ఎక్కువైందిగానీ, మునుపటికన్నా జోష్‌తో వచ్చేస్తున్నాడు తరుణ్‌. 'ఇది నా లవ్‌ స్టోరీ' అంటూ త్వరలోనే ప్రేక్షకుల ముందుకొచ్చేందుకు సిద్ధమవుతున్నాడు. ఈ సినిమా నుంచి ఓ పాటని విడుదల చేసింది చిత్ర యూనిట్‌. ఆడియో సింగిల్‌ ఇది. ఈ పాటలో తరుణ్‌ డాన్స్‌ స్టిల్‌ అదిరిపోతోంది. తరుణ్‌ లుక్‌ సింప్లీ సూపర్బ్‌. డాన్స్‌ మూమెంట్స్‌లో తరుణ్‌ మునుపటి ఈజ్‌ని ప్రదర్శించాడు. తరుణ్‌ డాన్స్‌లో చాలా ఈజ్‌ ఉంటుంది. ఇంత లాంగ్‌ గ్యాప్‌ తీసుకున్నా కానీ, డాన్సుల్లో ఏమాత్రం జోరు తగ్గలేదని ఈ స్టిల్‌ చెప్పకనే చెబుతోంది. ఒవియా హెలెన్‌ ఈ చిత్రంలో తరుణ్‌ సరసన హీరోయిన్‌గా నటిస్తోంది. కొత్త దర్శకుడు తరుణ్‌ గోపీ ఈ చిత్రాన్ని రూపొందిస్తున్నాడు. త్వరలో సినిమా విడుదల కానుంది.