హనుమాన్ సినిమా ఎంతటి ఘనవిజయాన్ని సాధించిందో తెలిసిందే. సినిమా వచ్చి దాదాపు 10 రోజులు అయినా ఇంకా వసూళ్లు జాతర కొనసాగుతోంది. అన్ని భాషల్లోను ఈ మూవీ మెప్పించింది. ఓవర్సీస్ లో కూడా కలక్షన్స్ రాబట్టింది. సినిమా ప్రీమియర్ షో నుంచే హిట్ టాక్ తెచ్చుకొని పాన్ ఇండియా వైడ్ దూసుకుపోతుంది. ఇప్పటికి హనుమాన్ మూవీ ప్రపంచవ్యాప్తంగా 150 కోట్ల గ్రాస్ కలెక్షన్స్ వసూలు చేసింది. హనుమాన్ ప్రీ రిలీజ్ ఈవెంట్ లో చిత్రయూనిట్ ఈ సినిమా టికెట్స్ నుంచి ప్రతి టికెట్ కి 5 రూపాయల చొప్పున అయోధ్య రామమందిరానికి విరాళం ఇస్తామని ప్రకటించారు.
హనుమాన్ సినిమా రిలీజ్ కి ముందు రోజు వేసిన ప్రీమియర్స్ లో దాదాపు 2 లక్షల 85 వేల టికెట్స్ అమ్ముడవ్వగా, ఇచ్చిన మాట ప్రకారం ఆ టికెట్స్ నుంచి 5 రూపాయల చొప్పున 14.25 లక్షలను అయోధ్య రామమందిరానికి చెక్ రూపంలో అందచేస్తాం అని సినిమా సక్సెస్ మీట్ లో తెలిపారు. అదేరోజు హనుమాన్ సినిమా థియేటర్స్ లో రన్ అయిన అన్ని రోజులు ప్రతి టికెట్ పై 5 రూపాయలు అయోధ్యకు ఇస్తామని తెలిపారు.
ఇప్పటివరకు అమ్ముడైన టికెట్స్, వాటి నుంచి అయోధ్యకు ఇచ్చే అమౌంట్ ని రీసెంట్ గా చిత్ర యూనిట్ ప్రకటించారు. హనుమాన్ సినిమాకి ఇప్పటివరకు 53,28,211 టికెట్స్ అమ్ముడవ్వగా ప్రతి టికెట్ కి 5 రూపాయల చొప్పున 2,66,41,055 రూపాయలను అయోధ్య రామమందిరానికి ఇవ్వనున్నట్టు అధికారికంగా ప్రకటించారు మేకర్స్. అంతేకాదు ఇకముందు కూడా ప్రతి టికెట్ పై 5 రూపాయల చొప్పున ఇవ్వనున్నట్లు ప్రకటించారు . సినిమా పరంగాను, అయోధ్య విరాళం పరంగా హనుమాన్ టీమ్ ఫుల్ మార్క్స్ కొట్టేసింది. ఎంతైనా హనుమాన్ రామభక్తుడు కదా తన వంతు విరాళం ఇలా ఇచ్చాడని పలువురి నెటిజన్స్ కామెంట్స్ చేస్తున్నారు.
