అజయ్.. చాలా కాలంగా తెలుగు సినిమాల్లో విల‌న్‌, స‌హాయ న‌టుడు పాత్ర‌ల‌కు కేరాఫ్ అడ్ర‌స్స్‌గా నిలిచాడు. అప్పుడ‌ప్పుడూ హీరోయిజం కూడా చూపించాడు. అయితే ఎందుకో ఈమ‌ధ్య అజయ్ దూకుడు త‌గ్గింది. న‌వ‌త‌రం న‌టుల హ‌వాలో... అజ‌య్‌లాంటి వాళ్ల‌కు అవ‌కాశాలు రాకుండా పోతున్నాయి. అందుకే.. కొత్త‌గా ఏదైనా ట్రై చేద్దామ‌నుకున్నాడు. సిక్స్ ప్యాక్ చేసేశాడు.
సాధాణంగా హీరోలు సిక్స్ ప్యాక్ చేస్తుంటారు. అభిమానుల్ని సిక్స్ ప్యాక్‌లో అల‌రించ‌డం వాళ్ల‌కు ఇష్టం. విల‌న్లు కూడా ఆరు ప‌ల‌క‌ల దేహంతో క‌నిపించ‌డం చాలా అరుదు. విజ‌య్ ఆ ప్ర‌య‌త్నం చేశాడిప్పుడు. అయితే అజయ్ సిక్స్ప్యాక్ చేయ‌డం వెనుక ఉద్దేశ్యాలు వేర‌ని టాలీవుడ్ టాక్‌. అజయ్ మ‌రోసారి హీరో అవ‌కాశాల కోసం ప్ర‌య‌త్నిస్తున్నాడ‌ని, అందుకే సిక్స్ ప్యాక్ చేశాడ‌ని చెబుతున్నారు. ఇటీవ‌ల అజయ్ క‌థానాయ‌కుడిగా `స్పెష‌ల్‌` అనే సినిమా విడుద‌లైంది. స‌రిగా ఆడ‌లేదు. అయినా స‌రే... అజ‌య్‌కి హీరోగా ఛాన్సులు రావ‌డం ఆశ్చ‌ర్య‌మే. మ‌రి అజయ్ ఈసారి ఏం చేస్తాడో చూడాలి.
