రామ్‌తో ప్రవీణ్‌ 'సత్తా' చాటుతాడా?

By iQlikMovies - April 26, 2018 - 16:30 PM IST

మరిన్ని వార్తలు

'ఎల్బీడబ్యూ', 'రొటీన్ లవ్ స్టోరీ', 'చందమామ కథలు' వంటి చిన్న సినిమాలతో విమర్శకుల ప్రశంసలు అందుకోవడంతో పాటు, నేషనల్‌ అవార్ట్‌ గ్రహీతగా పేరు తెచ్చుకున్న డైరెక్టర్‌ ప్రవీణ్‌ సత్తారు. అంతకు ముందు వరకూ చాలా కొద్ది మందికే తెలిసిన ఈ డైరెక్టర్‌ రాజశేఖర్‌తో 'గరుడవేగ' చిత్రాన్ని తెరకెక్కించడం ద్వారా, మొత్తం ఇండస్ట్రీ దృష్టిని ఆకర్షించడంతో పాటు, ఆడియన్స్‌ దృష్టిలో కూడా ప్రత్యేక స్థానం సంపాదించుకున్నాడు. 'గరుడవేగ'తో తన రేంజ్‌ పెంచుకోవడంతో పాటు, సీనియర్‌ హీరో రాజశేఖర్‌ ఉనికిని కూడా నిలబెట్టాడు.

ఆ సినిమా తర్వాత ప్రవీణ్‌ సత్తారు యంగ్‌ హీరో రామ్‌తో సినిమా తెరకెక్కిస్తున్న సంగతి తెలిసిందే. ఈ సినిమా కూడా యాక్షన్‌ అడ్వెంచర్‌గానే తెరకెక్కుతోందట. తాజాగా స్టార్ట్‌ అయిన ఈ సినిమా మేలో రెగ్యులర్‌ షూటింగ్‌ జరుపుకోనుంది. జార్జియా, స్విట్జర్లాండ్‌, ఇటలీ, ఫ్రాన్స్‌ వంటి దేశాల్లోని సుందరమైన ప్రదేశాల్లో ఈ చిత్రం షూటింగ్‌ జరుపుకోనుందట. ఆయా దేశాల్లోని సుందరమైన ప్రదేశాల్లో కీలక సన్నివేశాల చిత్రీకరణ జరిగాక, కశ్మీర్‌లోని పాపులర్‌ ప్రదేశాల్లో ఓ భారీ షెడ్యూల్‌ ప్లాన్‌ చేయనున్నారట.

మైనస్‌ 20 డిగ్రీల సెంటీగ్రేడ్‌ ఉష్ణోగ్రతల మధ్య తెరకెక్కించే యాక్షన్‌ ఘట్టాలు సినిమా స్థాయిని పెంచేలా ఉండబోతున్నాయట. తెలుగు సినిమా ఖ్యాతిని పెంచే సినిమాగా ఈ సినిమాని అత్యంత ప్రతిష్ఠాత్మకంగా రూపొందించనున్నారట. శ్రీ స్రవంతి మూవీస్‌ బ్యానర్‌లో రవికిశోర్‌ ఈ చిత్రాన్ని నిర్మించనున్నారు.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS