'పెళ్లిచూపులు' సినిమాతో రాత్రికి రాత్రే స్టార్‌ అయిపోయిన యంగ్‌ హీరో విజయ్‌ దేవరకొండ, 'అర్జున్‌రెడ్డి'తో తిరుగులేని స్టార్‌డమ్‌ సంపాదించుకున్నాడు. వరుస సినిమాలతో బిజీగా ఉన్నాడిప్పుడు. ఓ పక్క హీరోగా సినిమాలు చేస్తూనే, మరో పక్క స్పెషల్‌ రోల్స్‌తోనూ పండగ చేసుకుంటున్నాడు. ఈ సంగతి పక్కన పెడితే, విజయ్‌ దేవరకొండ హీరోగా 'టాక్సీవాలా' అనే సినిమా తెరకెక్కుతోన్న సంగతి తెలిసిందే. 

ఈ సినిమాకి ప్రమోషన్‌ అనాలో, లేక విజయ్‌ దేవరకొండ ఫన్నీగా చేశాడనుకోవాలో తెలీదు కానీ, విజయ్‌ దేవరకొండ 'టేక్సీవాలా' కథని ఎంచుకునేందుకు రీజన్‌ ఏంటంటే, ఆయనకి ఓ కల వచ్చిందట. ఆ కలలో నలుగురు పిల్లలు విజయ్‌ దేవరకొండని టీజ్‌ చేస్తారు. ఆ వీడియో డీటెయిల్స్‌ కావాలంటే విజయ్‌ ట్విట్టర్‌లో వీడియో ఉంది, దర్జాగా కూర్చొని చూసెయ్యండి. 'అర్జున్‌రెడ్డి' సినిమా అడల్ట్‌ కంటెన్ట్‌ మూవీ. సో పిల్లలు ఆ సినిమాని చూడకూడదు. కానీ పిల్లల్లో అర్జున్‌రెడ్డికి అదే మన విజయ్‌ దేవరకొండకి ఉన్న ఫాలోయింగ్‌కి అలాంటి సినిమాలు చేస్తే కుదరదు కదా. అందుకే 'టాక్సీవాలా' లాంటి సినిమాలు కూడా ఎంచుకోవాలి. (పిల్లల కోసం) ఆ స్కిప్ట్‌ అలాగే ఓకే చేశాడట. 

ఈ సినిమా స్క్రిప్ట్‌ ఓకే చేయడానికి ముందు తనకి వచ్చిన కలని ఇలా వీడియో ద్వారా చూపించాడు విజయ్‌. వీడియో అయితే భలే ఫన్నీగా, ఇంట్రెస్టింగ్‌గా ఉందిలెండి. ఇకపోతే ఈ సినిమా కాక విజయ్‌ దేవరకొండ 'నోటా' అనే మరో చిత్రంలోనూ నటిస్తున్నాడు. త్వరలో విడుదల కాబోతున్న 'మహానటి'లోనూ విజయ్‌ దేవరకొండ కీలక పాత్ర పోషిస్తున్నాడు.