టిల్లు నార్మల్ హ్యూమన్ బీయింగ్ కాదు... అతడొక కారణ జన్ముడు... అతడి జన్మకి కారణం.. ఊర్లో వున్న లేడీస్ పంచాయితీలన్నీ అతడి నెత్తిన తగిలించుకోవడం.. ఇదీ టిల్లు స్వ్కేర్‌ ట్రైలర్ లో కోర్ పాయింట్.
డీజే టిల్లు..అంటూ యూత్ లో ఒక బ్రాండ్ క్రియేట్ చేసుకున్నాడు సిద్ధు జొన్నలగడ్డ. ఇప్పుడు ‘టిల్లు స్వ్కేర్‌' తో వస్తున్నాడు. తాజాగా ట్రైలర్ వదిలారు. అవుట్ అండ్ అవుట్ హిలేరియస్ కట్ చేశారు ట్రైలర్.
ట్రైలర్ లో కథని చెప్పేసినట్లే.. టిల్లు కథకి దీనికి పెద్ద తేడా కనిపించదు. ఇది టిల్లు డైలాగులని బట్టి అర్ధమౌతుంది. ట్రీట్మెంట్ లో మాత్రం టిల్లుకి దీనికి స్పష్టమైన తేడా కనిపించింది. డైనింగ్ టేబుల్ దగ్గర ఫోటోల్లో పెళ్లి చూపులు సీన్ తో ట్రైలర్ మొదలుపెట్టారు. అనుపమ పాత్ర ఎంట్రీతోనే ఓ సుధీర్గమైన లిప్ లాక్ చూపించారు. 'పోయినసారి కంటే ఈసారి గట్టిగా తగిలేట్టు వుంది దెబ్బ' అని టిల్లు చెప్పిన డైలాగు జరగబోయే కథని కూడా రివిల్ చేసింది.
ఊహించినట్లే అనుపమ రూపంలో టిల్లుకి ఓ షాక్ తగులుతుంది. 'మీకు డిస్కౌంట్ ఇచ్చిన నేను షాప్ మూసుకొనుడు ఏంది?' అనే డైలాగు భలే పేలింది. టిల్లుని గుర్తు చేసే చాలా సీన్లు వున్నాయి ట్రైలర్. కానీ ట్రీట్ మెంట్ లో ఫ్రెష్ నెస్ కనిపించింది. సిద్ధు జొన్నలగడ్డ హుషారుగా కనిపించాడు. మరోసారి తన టైమింగ్ డిక్షన్ తో ఆకట్టుకున్నాడు. అనుపమ గ్లామరస్ గా కనిపించింది. టెక్నికల్ కూడా రిచ్ నెస్ వుంది. ఈ సినిమాపై యూత్ లో మంచి క్రేజ్ వుంది. ఆ క్రేజ్ ని ఇంకా పెంచేలా వుంది ట్రైలర్.
