రామ్‌కి కెరీర్‌ బెస్ట్‌ మూవీని ఇచ్చిన డైరెక్టర్‌ కిషోర్‌ తిరుమల. ఆయన డైరెక్షన్‌లో గతేడాది కొత్త సంవత్సరంలో విడుదలైన చిత్రం 'నేను శైలజ..'. ఆ తర్వాత వచ్చిన 'హైపర్‌' సినిమాతో కొంచెం నిరాశపరిచాడు. అయితే ఈ సారి మాత్రం రామ్‌ సరికొత్తగా రావాలనుకుంటున్నాడు. సరికొత్త స్టోరీతో, డిఫరెంట్‌ గెటప్‌తో రావాలనుకుంటున్నాడు. ఇప్పటికే గెడ్డంతో, పెరిగిన జుట్టుతో ఓ సాంపిల్‌ ఫోటో ఒకటి రిలీజ్‌ చేశాడు రామ్‌. అదే రామ్‌ కొత్త సినిమాలో గెటప్‌ అనీ ప్రచారం బాగా జరుగుతోంది. సూపర్‌ సక్సెస్‌ ఇచ్చిన డైరెక్టర్‌ కిషోర్‌ తిరుమలతోనే రామ్‌ కొత్త సినిమా ఉండబోతోందన్న సంగతి తెలిసిందే. ఈ సినిమా కోసం ముద్దుగుమ్మ రకుల్‌ ప్రీత్‌ సింగ్‌తో సంప్రదింపులు జరుపుతోందట చిత్ర యూనిట్‌. అయితే రకుల్‌ ఈ సినిమాలో హీరోయిన్‌ కాదు. ఓ చిన్న క్యారెక్టర్‌ చేస్తుందంటూ వినికిడి. గతంలో రామ్‌తో రకుల్‌ ప్రీత్‌ సింగ్‌ 'పండగ చేస్కో' సినిమాలో నటించింది. ఆ రకంగా రకుల్‌కి రామ్‌తో మంచి స్నేహం ఉంది. అయితే రకుల్‌ ప్రస్తుతం ఖాళీగా లేదు. అయితే రామ్‌ కోసం గెస్ట్‌ రోల్‌లో నటించడానికి ఒప్పుకుంటుందేమో చూడాలి. మరో పక్క రామ్‌ ఈ సినిమా కోసం కంప్లీట్‌ మేకోవర్‌ అవుతున్నాడట. అందుకే ఈ సినిమా సెట్స్‌ మీదికెళ్లడానికి మరికొంత సమయం పట్టే అవకాశాలున్నాయని సినీ వర్గాల సమాచారమ్‌.