గ‌త‌వారం ఏకంగా 9 సినిమాలొచ్చాయి. అయితే... అందులో ఒక్క‌టీ, నిర్మాత‌ల‌కు డ‌బ్బులు తీసుకొచ్చిన పాపాన పోలేదు. ఈవారం కూడా భారీ స్థాయిలోనే సినిమాలొస్తున్నాయి. మ‌రీ 9 కాదు కానీ... 7 సినిమాలు ప్రేక్ష‌కుల్ని అల‌రించ‌డానికి సిద్ధ‌మ‌య్యాయి. అయితే... అంద‌రి దృష్టీ ప‌క్కా క‌మ‌ర్షియ‌ల్ సినిమానే ఉంది.

మారుతి - గోపీచంద్ కాంబోలో రూపొందిన సినిమా ఇది. బ‌న్నీ వాస్ నిర్మించారు. ఈ సినిమాకి నెల రోజుల ముందు నుంచీ ప్ర‌మోష‌న్లు మొద‌లెట్టేశారు. ప్ర‌తీ రోజూ ఏదో ఓ ఈవెంట్ చేశారు. దాంతో పక్కా క‌మ‌ర్షియ‌ల్ జ‌నంలోకి వెళ్లిపోయింది. ఈ సినిమాకి మంచి ఓపెనింగ్స్ ఉండే అవ‌కాశాలు పుష్క‌లంగా ఉన్నాయి.

దీంతో పాటు షికారు, ఏనుగు, టెన్త్ క్లాస్ డైరీస్‌, ఏమైపోతానే, మాధ‌వ‌న్ సినిమా ద నంబీ ఎఫెక్ట్, గంధ‌ర్వ రిలీజ్‌కి రెడీ అయ్యాయి. వీటిలో షికారు యూత్ ఫుల్ స‌బ్జెక్ట్‌. మాధ‌వన్ సినిమాపై కూడా ఓ లుక్ వేయొచ్చు.