తెలుగులో తొలి సినిమా మంచి విజయాన్నిచ్చినా, హీరోయిన్‌గా తెలుగులో అవకాశాలు దక్కించుకోలేకపోతోన్న బ్యూటీ త్రిధా చౌదరి. సోషల్‌ మీడియాలో మాత్రం ఈ బ్యూటీ చాలా యాక్టివ్‌గా వుంటోంది. యాక్టివ్‌గా వుండటమేంటి, అందాల విందులో చెలరేగిపోతోంటే. బికినీ స్టిల్స్‌తో కుర్రకారుకి కిర్రాకు పుట్టించేస్తోన్న ఈ బ్యూటీ, లేటెస్ట్‌గా 'మనసుకు నచ్చింది' సినిమాలో నటించింది. 

సూపర్‌ స్టార్‌ కృష్ణ కుమార్తె మంజుల దర్శకత్వంలో ఈ సినిమా రూపొందింది. సందీప్‌ కిషన్‌ హీరోగా నటించాడు ఈ చిత్రంలో. అయితే ఈ సినిమా ఆశించిన విజయాన్నివ్వకపోవడంతో త్రిధా కాస్త డీలా పడింది. ఈ సినిమాలోనూ త్రిధా బికినీలో కనిపించినా ఆమె గ్లామర్‌ పప్పులుడకలేదు. కొద్దో గొప్పో పేరు ఈ సినిమాతో మరో అందాల భామ అమైరా దస్తుర్‌కే వచ్చింది. దాంతో త్రిధా గ్లామర్‌ ప్రయత్నం వృధా అయ్యిందని చెప్పక తప్పదు. ఒక్కటంటే ఒక్కటి సరైన ఛాన్స్‌ దక్కితే, గ్లామర్‌ సత్తా ఏంటో చూపిస్తానంటోన్న ఈ బ్యూటీ, ఫెయిల్యూర్స్‌ అనేవి సక్సెస్‌కి మెట్లులాంటివని అభిప్రాయపడుతోంది. 

ఆ మాత్రం ఆశ లేకపోతే ఎలా? అసలే అందాల భామ, కావాల్సినంత గ్లామరుంది! లక్కు కలిసొస్తే, స్టార్‌డమ్‌ ఎప్పుడెలా కలిసొస్తుందో చెప్పలేం కదా!