వరుస హిట్లతో పాన్ ఇండియా స్థాయిలో సత్తా చాటుతున్నాడు ప్రభాస్. కల్కి మానియా ఇంకా తగ్గక ముందే 'రాజా సాబ్' షూట్ లో పాల్గొంటున్నాడు. ఈ మూవీ 2025 ఏప్రిల్ కి రిలీజ్ చేసే పనిలో ఉన్నారు మేకర్స్. ప్రశాంత్ నీల్ ఎన్టీఆర్ తో బిజీ కావటం వలన సలార్ 2 వాయిదా పడింది. దీనితో హను రాఘవ పూడితో ఒక మూవీ, సందీప్ వంగ తో స్పిరిట్ కి ఓకే చెప్పాడు. ప్రస్తుతం ప్రభాస్ కి ఉన్న క్రేజ్ కి ఆ స్థాయి హీరోయిన్స్ లేరన్నది నిజం. ప్రభాస్ కటౌట్ కి కూడా ఏ హీరోయిన్ సరిపోవటం లేదు. దీనితో ప్రతిసారి డార్లింగ్ సినిమా అనగానే హీరోయిన్ ఎవరన్న చర్చ మొదలవుతోంది. ఇప్పుడు కూడా అంతే సందీప్ వంగా స్పిరిట్ కోసం ఏ హీరోయిన్ ని దించుతాడా అని ఎదురు చూస్తుంటే క్రేజీ అప్డేట్ వచ్చింది.
ఏ బాలీవుడ్ హీరోయిన్నో, హాలీవుడ్ హీరోయిన్ ని రంగంలోకి దింపుతాడు అనుకుంటే కోలీవుడ్ హీరోయిన్ త్రిష పేరు వినిపిస్తోంది. ప్రభాస్, త్రిష జోడికి మంచి ఫాలోయింగ్ ఉంది. హ్యాట్రిక్ మూవీస్ చేసింది ఈ జోడి. వర్షం , పౌర్ణమి, బుజ్జిగాడు తో అలరించిన త్రిష పద్దెనిమిదేళ్ల తరవాత మళ్లీ ప్రభాస్ తో 'సై' అంటోంది. త్రిష కెరియర్ అయిపోయింది అన్న తరుణం లో క్రేజీ ప్రాజెక్ట్స్ లో ఫిక్స్ అవుతోంది. చిరంజీవితో 'విశ్వంభర'. ఇప్పుడు ప్రభాస్ తో సందీప్ వంగా మూవీ. ఈ మూవీతో త్రిష కెరియర్ కి ఇంకో నాలుగైదేళ్లు ఢోకా ఉండదని సినీవిశ్లేషకుల వాదన.
ప్రస్తుతం ఈ ప్రాజెక్ట్‌కి సంబంధించి ప్రీ ప్రొడక్షన్ వర్క్‌ జరుగుతోంది. ప్రభాస్-త్రిష హిట్‌ పెయిర్‌ ని మరోసారి హైలెట్ చేసే ఉద్దేశ్యం తోనే సందీప్ త్రిషని సంప్రదించినట్టు తెలుస్తోంది. త్రిష కూడా గ్రీన్ సిగ్నల్ ఇచ్చిందని టాక్. హైవోల్టేజ్ యాక్షన్ బ్యాక్ డ్రాప్ కథతో సాగే ఈ సినిమాలో హీరోతో పాటు విలన్ పాత్రలో కూడా ప్రభాస్ కనిపించబోతున్నారని సమాచారం. ఈ రెండు పాత్రలు చాలా బలంగా, డిఫరెంట్ క్యారెక్టరైజేషన్స్ తో ఉంటాయని టాక్. హీరోయిన్ పాత్ర చాలా హోమ్లీగా, డిగ్నిఫైడ్ గా ఉంటుందని, అందుకు త్రిష పర్ఫెక్ట్ ఛాయిస్ అని సందీప్ నమ్మకం.
