ప్రస్తుతం తెలుగు చిత్ర పరిశ్రమలో ఉన్న పెద్ద నిర్మాణ సంస్థల్లో UV క్రియేషన్స్ ఒకటి. ఆ సంస్థలో ఇప్పుడు టాప్ హీరోలు అందరు చిత్రాలు చేస్తున్నారు, ప్రభాస్ సాహో చిత్రాన్ని కూడా ఈ సంస్థనే నిర్మిస్తున్నది.
ఇక ఇంతటి పెద్ద సంస్థ ఇద్దరు మెగా హీరోలతో రెండు పెద్ద సినిమాలకి ఒప్పందం కుదుర్చుకుందట. ఆ హీరోలు ఎవరంటే- అల్లు అర్జున్ & సాయి ధరం తేజ్. వీరిరువురితో UV క్రియేషన్స్ చెరొక సినిమాకి ఒప్పందం చేసుకుంది, త్వరలోనే ఆ చిత్రాలు మొదలవుతాయి అని తెలుస్తున్నది.
ఈ సినిమాలకి దర్శకులు, హీరోయిన్లని ఇంకా ఎంపిక చేయవలసి ఉంది అని సమాచారం. ప్రస్తుతం అల్లు అర్జున్ నా పేరు సూర్య అనే చిత్రంలో నటిస్తున్నాడు దీని తరువాత తమిళ దర్శకుడు లింగుస్వామి దర్శకత్వంలో ఒక చిత్రం చేయనున్నాడు.
ఇక సాయి ధరం విషయానికి వస్తే, ఆయన చేతిలో మూడు చిత్రాలు ఉండగా, అవి పూర్తయ్యాకే ఈ UV క్రియేషన్స్ చిత్రం ఉండబోతుంది అని సమాచారం.
ఏదైతేనేమి మెగా హీరోలతో సినిమాలు ప్లాన్ చేసి UV క్రియేషన్స్ సినిమా బిజినెస్ లో దూసుకుపోతున్నది.
