టాలీవుడ్ లో ద‌స‌రా సంద‌డి మొద‌లు కాబోతోంది. అక్టోబ‌రులో చాలా సినిమాలు విడుద‌ల కాబోతున్నాయి. అంద‌రి దృష్టీ ద‌సరాపైనే ఉంది. అక్టోబ‌రు 8న అఖిల్ `మోస్ట్ ఎలిజిబుల్ బ్యాచిల‌ర్‌`గా రాబోతున్నాడు. బొమ్మ‌రిల్లు భాస్క‌ర్ ద‌ర్శ‌క‌త్వం వ‌హించిన సినిమా ఇది. పూజా హెగ్డే క‌థానాయిక‌. గీతా ఆర్ట్స్ నిర్మించింది. అదే రోజున మెగా హీరో వైష్ణ‌వ్ తేజ్ `కొండ‌పొలెం` విడుద‌ల‌కు సిద్ధ‌మైంది. క్రిష్ ద‌ర్శ‌క‌త్వం వ‌హించిన ఈ చిత్రంలో ర‌కుల్ ప్రీత్ సింగ్ క‌థానాయిక‌.

ఓ న‌వ‌ల ఆధారంగా ఈ సినిమాని తెర‌కెక్కించిన సంగ‌తి తెలిసిందే. రెండూ మీడియం రేంజు సినిమాలే. కాక‌పోతే...త‌న సినిమాని సోలోగా రిలీజ్ చేయించాల‌న్న‌ది క్రిష్ ఆలోచ‌న‌. అందుకే `కొండ‌పొలెం` సినిమాని పోస్ట్ పోన్ చేయ‌బోతున్న‌ట్టు టాక్‌. కొండ‌పొలెం ఫ‌స్ట్ కాపీ సిద్ధ‌మైంది. రిలీజ్ కి రెడీనే. కాక‌పోతే... ఇంకాస్త స‌మ‌యం తీసుకోవాల‌ని క్రిష్ భావిస్తున్నార్ట‌. మిగిలిన సినిమాల హ‌డావుడి లేన‌ప్పుడే కొండ‌పొలెంని విడుద‌ల చేస్తే బాగుంటుంద‌న్న‌ది క్రిష్ ఆలోచ‌న‌. అందుకే ఈ సినిమాని వాయిదా వేయాల‌ని నిర్ణ‌యించుకున్నారు. సో.. కొండ‌పొలెం రాక‌పోతే... అఖిల్ కి సోలో రిలీజ్ దొరికిన‌ట్టే. మ‌రి కొండ‌పొలెం ఎప్పుడు వ‌స్తుందో చూడాలి.