జూన్ మొద‌టి వారంలో చిత్ర‌సీమ `క్లాప్` కొట్టుకోబోతోంది. షూటింగులు మొద‌లైతే... ముందుగా ప‌రుగులు పెట్టేది `వ‌కీల్ సాబ్‌`నే. ప‌వ‌న్ కల్యాణ్ క‌థానాయ‌కుడిగా న‌టిస్తున్న చిత్ర‌మిది. దిల్ రాజు నిర్మాత‌. దాదాపు షూటింగ్ పూర్త‌యింది. మ‌రో ఇర‌వై రోజులు బాకీ అంతే. ఆ 20 రోజుల షూటింగ్‌నీ చ‌క చ‌క పూర్తి చేయాల‌ని చిత్ర‌బృందం ప్లాన్ చేస్తోంది. ఎప్పుడు షూటింగులు మొద‌లైనా.. వ‌కీల్ సాబ్‌ని ప‌ట్టాలెక్కించ‌డానికి దిల్ రాజు రెడీగా ఉన్నారు.

థియేట‌ర్ల‌కు అనుమ‌తులు ఇచ్చిన వెంట‌నే.. బాక్సాఫీస్‌ని ప‌ల‌క‌రించే పెద్ద సినిమా వ‌కీల్ సాబ్ నే అవ్వాల‌ని దిల్ రాజు ఆరాట ప‌డుతున్నారు. ద‌స‌రాకి ఈ చిత్రాన్ని విడుద‌ల చేస్తార‌ని ఇది వ‌ర‌కు ప్ర‌చారం జ‌రిగింది. అయితే అంత‌కంటే ముందే ఈ సినిమాని వ‌ద‌లాల‌ని దిల్ రాజు భావిస్తున్నారు. ప‌వ‌న్ కూడా ముందు వ‌కీల్ సాబ్ ప‌ని ప‌ట్టాకే... క్రిష్‌సినిమా సెట్‌లోకి వెళ్లాల‌ని డిసైడ్ అయ్యార్ట‌. సో.. వ‌కీల్ సాబ్ హ‌డావుడి మొద‌లైపోయిన‌ట్టే.