ప‌వ‌న్ క‌ల్యాణ్ స్టామినా ఏమిటో... `వ‌కీల్ సాబ్` ట్రైల‌ర్ మ‌రోసారి నిరూపించింది. సోమ‌వారం సాయింత్రం 6 గంట‌ల‌కు వ‌కీల్ సాబ్ ట్రైల‌ర్ విడుద‌లైంది. అప్ప‌టి నుంచీ.. యూ ట్యూబ్ లో రికార్డుల హోరు మొద‌లైపోయింది. `వ‌కీల్ సాబ్ ట్రైల‌ర్ వ‌స్తోంది.. యూట్యూబ్ ని పంక్చ‌ర్ చేస్తుంది` అని త‌మ‌న్ ముందే హింట్ ఇచ్చేశాడు. దానికి త‌గ్గ‌ట్టుగానే... తొలి గంట నుంచే... యూ ట్యూబ్ లో వ‌కీల్ సాబ్ మానియా మొద‌లైపోయింది.

తొలి 12 గంట‌ల్లోనే 13 మిలియ‌న్ రియ‌ల్ టైమ్ వ్యూవ‌ర్స్ ని సంపాదించుకుంది ఈ ట్రైల‌ర్‌. అంతే కాదు... లైకుల్లోనూ కొత్త రికార్డు స్థాపించింది. తొలి 7 నిమిషాల్లోనే.. ఏకంగా ల‌క్ష లైకులు తెచ్చుకుంది. యూ ట్యూబ్ లోనే ఇది రికార్డు. తొలి 24 గంట‌ల్లో 20 మిలియన్ రియ‌ల్ టైమ్ వ్యూవ‌ర్స్‌ని సంపాదించ‌డం ఖాయంగా క‌నిపిస్తోంది. యూ ట్యూబ్ లో ఇప్పుడు ట్రెండింగ్ లో ఉంది వ‌కీల్ సాబ్ ట్రైల‌రే. ఏప్రిల్ 9న ఈ సినిమా విడుద‌ల అవుతున్న సంగ‌తి తెలిసిందే. వేణు శ్రీ‌రామ్ ద‌ర్శ‌కత్వం వ‌హించిన ఈ చిత్రానికి దిల్ రాజు నిర్మాత‌. శ్రుతిహాస‌న్ క‌థానాయిక‌గా న‌టించింది.