‘బాక్సింగ్‌’ షురూ చేసిన మెగా రాకుమారుడు.!

By Inkmantra - February 24, 2020 - 16:14 PM IST

మరిన్ని వార్తలు

మెగా ప్రిన్స్‌ వరుణ్‌తేజ్‌ లేటెస్ట్‌ మూవీ ‘బాక్సర్‌’ని తాజాగా పట్టాలెక్కించారు. వైజాగ్‌లో ఈ సినిమా రెగ్యులర్‌ షూటింగ్‌ లేటెస్ట్‌గా స్టార్ట్‌ అయ్యింది. ఈ విషయాన్ని వెల్లడిస్తూ.. దీనికి సంబంధించిన ఓ ఫోటోని సోషల్‌ మీడియాలో పోస్ట్‌ చేశాడు వరుణ్‌ తేజ్‌. కొత్త దర్శకుడు కిరణ్‌ కొర్రపాటి దర్శకత్వం వహిస్తున్న ఈ సినిమాకి అల్లు అరవింద్‌ సమర్పకుడిగా వ్యవహరిస్తున్నారు. అల్లు వెంకటేష్‌, సిద్దు నిర్మాతలుగా వ్యవహరిస్తున్నారు. బాక్సింగ్‌ నేపథ్యంలో తెరకెక్కుతున్న ఈ సినిమా కోసం వరుణ్‌ తేజ్‌ గత కొన్ని నెలలుగా బాక్సింగ్‌లో స్పెషల్‌ ట్రైనింగ్‌ తీసుకుంటున్న సంగతి తెలిసిందే. బాక్సర్‌కి ఉండాల్సిన బాడీ ఫిట్‌నెస్‌ కోసం నిపుణల పర్యవేక్షణతో రకరకాల కసరత్తులు చేశాడు వరుణ్‌. ఎట్టకేలకు సినిమా పట్టాలెక్కింది.

వైజాగ్‌లో షెడ్యూల్‌ పూర్తి చేసుకున్న తరువాత తదుపరి షెడ్యూల్‌ కోసం హైద్రాబాద్‌లో ఓ భారీ సెట్‌ ప్లాన్‌ చేయనున్నారనీ విశ్వసనీయ వర్గాల సమాచారం. ఇదిలా ఉంటే, ఈ సినిమాలో వరుణ్‌తో జత కట్టబోయే ముద్దుగుమ్మ కోసం కూడా వేట గట్టిగానే కొనసాగింది. ఎట్టకేలకు బాలీవుడ్‌ భామ సయీ మంజ్రేకర్‌ పేరు పరిశీలనకొచ్చింది. ‘దబాంగ్‌ 3’లో నటించిన ఈ ముద్దుగుమ్మ వరుణ్‌కి సరి జోడీ అని భావిస్తున్నారు. అయితే, ఈ విషయమై ఇంకా అధికారిక ప్రకటన రాలేదు. ఇటీవల ‘అల.. వైకుంఠపురములో’ సినిమాతో బ్లాక్‌ బస్టర్‌ మ్యూజికల్‌ హిట్‌ కొట్టిన ఎస్‌.ఎస్‌.థమన్‌ ఈ సినిమాకి స్వరాలు సమకూరుస్తున్నారు


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS