వరుణ్ తేజ్ ఫుల్ స్వింగ్ లో ఉన్నాడు. ఒక సినిమా చేతిలో ఉండ‌గానే.. మ‌రో రెండు మూడు క‌థ‌ల్ని ఓకే చేసేస్తున్నాడు. ప్ర‌స్తుతం `గ‌ని`, `ఎఫ్ 3` సినిమాల‌తో బిజీగా ఉన్నాడు వ‌రుణ్‌. ఈ రెండూ ఈ యేడాదే విడుద‌ల కాబోతున్నాయి. ఇప్పుడు మ‌రో సినిమాకీ ప‌చ్చ జెండా ఊపేశాడు. `గ‌రుడ వేగ‌` లాంటి సినిమాతో ఆక‌ట్టుకున్న ప్ర‌వీణ్ స‌త్తారుతో వ‌రుణ్ ఓ సినిమా చేస్తున్న‌ట్టు టాక్‌.

గ‌రుడ వేగ‌లా.. ఇది యాక్ష‌న్ ఎంట‌ర్‌టైన‌ర్ అట‌. హాలీవుడ్ స్టైల్ లో స్టైలీష్ గా సాగ‌బోతోంద‌ట‌. సినిమా షూటింగ్ అంతా లండ‌న్ లోనే అని టాక్‌. ఈ యేడాదే సెట్స్‌పైకి వెళ్ల‌నుంది. విదేశాలలో షూటింగ్ అంటే.. ఇప్పుడు అంత ఈజీ కాదు. వీసా ప‌నుల‌న్నీ అయ్యాక‌.. ఈ సినిమాకి సంబంధించిన అధికారిక ప్ర‌క‌ట‌న విడుద‌ల చేసే అవ‌కాశం వుంది.