తొలిప్రేమ చిత్రంతో కెరీర్ మొత్తంలోనే మంచి హిట్ కొట్టిన వరుణ్ తేజ్ మంచి ఊపు మీదున్నాడు. ఇక ఇంత మంచి హిట్ తరువాత వరుణ్ తేజ్ చేయబోయే సినిమా ఏంటి అనేదాని పైన అందరి దృష్టి నెలకొని ఉంది.
ఇప్పుడు దానికి సంబందించిన సమాచారం బయటకివచ్చింది. యువ సంచలన దర్శకుడు సాగర్ కె చంద్ర చెప్పిన ఒక కథాంశానికి వరుణ్ తేజ్ కి బాగా నచ్చిందట. దీనితో వెంటనే ఈ చిత్రానికి పచ్చ జెండా ఊపేశాడు. అప్పట్లో ఒకడుండేవాడు సినిమా హిట్ అయ్యాక ఎలాంటి చిత్రం చేస్తాడు అన్న ఆసక్తి అందరిలోనూ ఉంది.
ఆ చిత్ర విజయం తరువాత కొంత గ్యాప్ తీసుకున్న దర్శకుడు సాగర్ ఇప్పుడు వరుణ్ తో చిత్రాన్ని తీయబోతున్నాడు. మరి ఈ కథ ఎలా ఉండబోతున్నదో అన్నదాని కోసం ఇంకొన్ని రోజులు ఆగాల్సిందే.
ఇక ఈ చిత్రాన్ని 14 రీల్స్ సంస్థ నిర్మించే యోచనలో ఉన్నట్టు తెలిసింది.
