ఇండిపెండెన్స్‌ డే సందర్భంగా విడుదల కావల్సిన 'సాహో' వాయిదా పడడంతో, అనూహ్యంగా ఆ స్లాట్‌లోకి వచ్చి చేరాయి. అవే 'రణరంగం', 'ఎవరు' సినిమాలు. రెండూ డిఫరెంట్‌ జోనర్‌ మూవీస్‌ కావడంతో, రెండింటి పైనా ఓ మోస్తరు అంచనాలున్నాయి. ఇక ఆగస్ట్‌ 15 అంటే, ఆ రోజుల ప్రేక్షకుల ముందుకు వచ్చే సినిమాలే కాదు, రాబోయే సినిమాలకు సంబంధించిన లేటెస్ట్‌ అప్‌డేట్స్‌ కూడా కుప్పలు తెప్పలుగా రానున్నాయి.
వాటిలో ముఖ్యంగా వరుణ్‌ తేజ్‌ నటిస్తున్న 'వాల్మీకి' చిత్రం టీజర్‌ రానుందని ఇప్పటికే చిత్రయూనిట్‌ అఫీషియల్‌గా ప్రకటించేసింది. ఈ అనౌన్స్‌మెంట్‌తో పాటు, విడుదల చేసిన 'వాల్మీకి' పోస్టర్‌ మెగా ఫ్యాన్స్‌ని పిచ్చెక్కించేస్తోంది. ఈ సినిమాలో వరుణ్‌ తేజ్‌ ఓ గ్యాంగ్‌స్టర్‌ పాత్రలో కనిపిస్తున్న సంగతి తెలిసిందే. ఆ గెటప్‌ ఆల్రెడీ పరిచయమే. అయితే, తాజా పోస్టర్‌లో వరుణ్‌ తేజ్‌ని చూస్తే, ఐదు తలల డిఫరెంట్‌ రూపాలను చూపించారు.
కసి, పగ, కోపం, కొంటెతనం, కామెడీ.. ఇలా రక రకాల ఎక్స్‌ప్రెషన్స్‌తో వరుణ్‌ తేజ్‌ కనిపిస్తున్నాడు. హరీష్‌ శంకర్‌ - వరుణ్‌ తేజ్‌ కాంబినేషన్‌లో తొలిసారిగా తెరకెక్కుతోన్న చిత్రమిది. తమిళ 'జిగర్తాండ'కు రీమేక్‌ అయినా, తెలుగు కోసం, అదీ వరుణ్‌తేజ్‌ కోసం చాలా మార్పులు చేశాడు హరీష్‌ శంకర్‌. అధర్వ మురళి ఈ సినిమాలో కీలక పాత్ర పోషిస్తుండగా, పూజా హెగ్దే, మృణాలిని రవి హీరోయిన్స్‌గా నటిస్తున్నారు. సెప్టెంబర్‌ 13న 'వాల్మీకి' ప్రేక్షకుల ముందుకు రానుంది.
