'ఎఫ్ 2'తో సూప‌ర్ హిట్టు కొట్టాడు వ‌రుణ్‌తేజ్‌. ఇప్పుడు 'వాల్మీకీ'గా సిద్ధ‌మ‌వుతున్నాడు. త‌మిళ సూప‌ర్ హిట్ చిత్రం 'జిగ‌డ్తాండ‌'కు రీమేక్ ఇది. హ‌రీష్ శంక‌ర్ ద‌ర్శ‌క‌త్వం వ‌హిస్తున్నాడు. 14 రీల్స్ ప‌తాకంపై రామ్ ఆచంట‌, గోపీ ఆచంట నిర్మిస్తున్నారు. ప్ర‌స్తుతం చిత్రీక‌ర‌ణ ద‌శ‌లో ఉంది. ఇప్పుడు రిలీజ్ డేట్‌ని చిత్ర‌బృందం ఫిక్స్ చేసింది. ఈ చిత్రాన్ని సెప్టెంబ‌రు 6న విడుద‌ల చేస్తున్న‌ట్టు చిత్ర‌బృందం ప్ర‌క‌టించింది.

పూజా హెగ్డే క‌థానాయిక‌గా న‌టిస్తున్న ఈ చిత్రంలో అధ‌ర్వ ముర‌ళి కీల‌క పాత్ర పోషిస్తున్నాడు. మిక్కీ జే మేయ‌ర్ సంగీతం అందిస్తున్నాడు. డీజే త‌ర‌వాత మ‌రో సినిమా చేయ‌డానికి హ‌రీష్‌కు చాలా కాలం ప‌ట్టింది. పైగా గ‌బ్బ‌ర్ సింగ్ త‌ర‌వాత‌.. హ‌రీష్ చేస్తున్న రీమేక్ ఇదే. టాప్ డైరెక్ట‌ర్ల రేసులో హ‌రీష్ చేరాలంటే... `వాల్మీకీ`తో హిట్టు కొట్టాల్సిందే. మ‌రి హ‌రీష్ ఏం చేస్తాడో చూడాలి.