హిట్ల మీద హిట్ల‌తో.. జోరు మీదున్నాడు అనిల్ రావిపూడి. ఇప్పుడు టాలీవుడ్ మోస్ట్ వాంటెడ్ ద‌ర్శ‌కుల‌లో.. అనిల్ రావిపూడి ఒక‌డు. త‌న‌తో సినిమా చేయ‌డానికి పెద్ద పెద్ద హీరోలంతా ఎదురు చూస్తున్నారు. త‌న దృష్టంతా ఇప్పుడు `ఎఫ్ 3`పై ఉంది. ఈ సినిమాని వీలైనంత త్వ‌ర‌గా ప‌ట్టాలెక్కించాల‌ని చూస్తున్నాడు. అందుకే... లాక్ డౌన్ స‌మ‌యంలో.. ఇంటి ప‌ట్టున ఉండి స్క్రిప్టు పూర్తి చేశాడు. ఇప్పుడు `ఎఫ్ 3` స్క్రిప్టు ప‌క్కాగా సిద్ధ‌మైంది. కానీ వెంకటేష్, వ‌రుణ్ తేజ్‌ల నుంచే గ్రీన్ సిగ్న‌ల్ రావ‌డం లేదు. వెంకటేష్ ప్ర‌స్తుతం నార‌ప్ప సినిమాతో బిజీగా ఉన్నాడు.
వ‌రుణ్ తేజ్ చేతిలో మ‌రో సినిమా ఉంది. ఆ రెండూ పూర్త‌వ్వాలి. అప్పుడే.. ఎఫ్ 3 మొద‌ల‌వుతుంది. దానికి తోడు.. వెంకటేష్ ఇప్ప‌టికిప్పుడు షూటింగులు మొద‌లు పెట్ట‌డానికి రెడీగా లేడ‌ట. కరోనా ఉధృతంగా ఉంద‌ని, ఇలాంటి స‌మ‌యంలో షూటింగులు చేయ‌డం అంత మంచిది కాద‌ని వెంకీ భావిస్తున్నాడ‌ట. అందుకే నార‌ప్ప షూటింగ్ కూడా ఆల‌స్య‌మ‌వుతుంది. అది అవ్వాలి.. అప్పుడు ఎఫ్ 3 మొద‌లవ్వాలి. ఆ స‌మ‌యానికి వ‌రుణ్ కూడా సిద్ధంగా ఉండాలి. ఈ స‌మీక‌ర‌ణాల‌న్నీ క‌లిసి రావ‌డం ఇప్పుడున్న ప‌రిస్థితుల్లో చాలా క‌ష్టం. చూస్తుంటే హీరోలిద్ద‌రూ అనిల్ రావిపూడికి హ్యాండిచ్చేసిన‌ట్టే క‌నిపిస్తోంది. మ‌రి అనిల్ ఏం చేస్తాడో..?
