వెంకీకి పాతే 'అది' వరుణ్‌కే కొత్త.!

By iQlikMovies - May 19, 2018 - 11:30 AM IST

మరిన్ని వార్తలు

ఆగండాగండి 'అది' అంటే ఇంకేదో అనుకోకండి. ఆ అది కామెడీ. కామెడీలో వెంకటేష్‌ దిట్ట. ఈ సంగతి ప్రత్యేకంగా చెప్పనక్కర్లేదు. ఆ కామెడీతోనే ఫ్యామిలీ ఆడియన్స్‌లో విపరీతమైన ఫాలోయింగ్‌ ఉంది వెంకీకి. అయితే వరుణ్‌కి మాత్రం కామెడీ కొత్తనే చెప్పాలి. విభిన్న కథా చిత్రాల్లో నటించిన అనుభం, లవర్‌ బోయ్‌గా మెప్పించగల స్టామినా ఉన్నాయి వరుణ్‌లో. అయితే ఈ సారి తనలో దాగున్న కామెడీ యాంగిల్‌ని బయటికి తీయబోతున్నాడట. అదేనండీ, ఈ ఇద్దరూ కలిసి ఓ మల్టీస్టారర్‌ చిత్రంలో నటిస్తున్నారు కదా.

అదే 'ఎఫ్‌ 2' అనే సినిమా. 'ఫన్‌ అండ్‌ ఫ్రస్టేషన్‌' అని దీనికి క్యాప్షన్‌ కూడా పెట్టారు. ఈ సినిమా కోసమే మనం మాట్లాడుకునేది. ఈ సినిమాలో వెంకీ తనదైన మార్కు కామెడీని పండిస్తాడట. వెంకీతో పోటీ పడేలా వరుణ్‌ క్యారెక్టర్‌ ఉండబోతోందట. డైరెక్టర్‌ అనిల్‌ రావిపూడి ఈ చిత్రాన్ని తెరకెక్కిస్తున్నాడు. కళ్యాణ్‌రామ్‌తోనే 'పటాస్‌' సినిమాలో బీభత్సమైన కామెడీని పండించేశాడీ డైరెక్టర్‌. అలాంటిది ఈ తరం కుర్రోడు వరుణ్‌తో ఇంకెంత ఫన్‌ జనరేట్‌ చేయిస్తాడో కదా.

'పటాస్‌', 'సుప్రీం', 'రాజా ది గ్రేట్‌' చిత్రాలతో హ్యాట్రిక్‌ కొట్టిన డైరెక్టర్‌ అనిల్‌ రావిపూడి. వెంకీ - వరుణ్‌ ఈ కాంబోలో మల్టీ స్టారర్‌ అంటే ఒకింత ఆశక్తిగానే అనిపిస్తోంది. చూడాలి మరి ఈ సినిమాతో ఆడియన్స్‌ దృష్టిని ఎలా తన వైపు ఆకర్షించేలా చేస్తాడో అనిల్‌ రావిపూడి. మరోవైపు వరుణ్‌, సంకల్ప్‌తో 'వ్యోమగామి' (వర్కింగ్‌ టైటిల్‌) సినిమాతో బిజీగా ఉన్నాడు. వెంకీ, తేజతో 'ఆటా నాదే వేటా నాదే' సినిమా కోసం ప్రిపేర్‌ అవుతున్నాడు.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS