దృశ్యం, గోపాల గోపాల, గురు.. ఇలా వైవిధ్య‌భ‌రిత‌మైన ప్ర‌యాణాన్ని కొన‌సాగిస్తున్నాడు వెంకటేష్. క‌మర్షియ‌ల్ క‌థ‌ల‌కు ఎప్పుడో దూర‌మైన వెంకీ... ఇక మీద‌టా కొత్త త‌ర‌హా క‌థ‌ల‌కే ఓటేయాల‌ని భావిస్తున్నాడు. అందులో భాగంగా ప్ర‌ముఖ ద‌ర్శ‌కుడు ప్రియద‌ర్శ‌న్‌తో ఓ సినిమా చేయాల‌ని వెంకీ త‌హ‌త‌హలాడుతున్నాడ‌ట‌. హృద్య‌మైన సినిమాల‌కు పెట్టింది పేరు ప్రియ‌ద‌ర్శ‌న్‌. తెలుగులో ఆయ‌న చేసిన సినిమాలు చాలా త‌క్కువ‌. అయినా స‌రే.. ప్రియ‌ద‌ర్శ‌న్‌తో ఎలాగైనా స‌రే, ఓ సినిమా చేయాల‌ని వెంకీ భావిస్తున్నాడ‌ని తెలుస్తోంది. ఇందుకు సంబంధించి సురేష్ బాబు ప్రియ‌ద‌ర్శ‌న్‌తో మంత‌నాలు జ‌రిపార‌ని స‌మాచారం. గురు త‌ర‌వాత వెంకీ సినిమా ఏంట‌న్న‌ది ఇంత వ‌ర‌కూ తేలలేదు. ప్రియ‌ద‌ర్శ‌న్ గ‌నుక ఓకే అంటే... ఈ కాంబినేష‌న్‌ని అతి తొంద‌ర్లోనే చూసేయొచ్చు.