త్రివిక్ర‌మ్... టాలీవుడ్ లోనే టాప్ డైరెక్ట‌ర్. అలా వైకుంఠ‌పురంతో త్రివిక్ర‌మ్ రేంజ్‌.. మ‌రో ప‌ది రెట్లు పెరిగింది. త్రివిక్ర‌మ్ తో సినిమా అంటే హీరోలంతా క్యూలో నిల‌బ‌డ‌తారు. త్రివిక్ర‌మ్ తో సినిమా చేస్తే.... త‌మ క్రేజ్ మ‌రో లెవ‌ల్ కి చేరుతుంద‌ని భావిస్తారు. అలాంటిది త్రివిక్ర‌మ్ కి ఓ హీరో `నో` చెప్పాడు. త‌నే.. విజ‌య్ దేవ‌ర‌కొండ.
అవును.. విజ‌య్ కోసం త్రివిక్ర‌మ్ ఓ క‌థ రెడీ చేశాడు. అది విజ‌య్‌కి న‌చ్చింది.కానీ.. `నో` చెప్పాడు. దానికీ ఓ బ‌ల‌మైన కార‌ణం ఉంది. ఈ సినిమాకి త్రివిక్ర‌మ్ కేవ‌లం క‌థ అందిస్తాన‌ని, ద‌ర్శ‌క‌త్వం మ‌రొక‌రికి అప్ప‌గిస్తాన‌ని త్రివిక్ర‌మ్ చెప్పాడ‌ట. మహేష్ బాబుతో సినిమా వ‌ల్ల త్రివిక్ర‌మ్ బిజీ అయ్యాడు. అందుకే... డైర‌క్ష‌న్ మ‌రొక‌రికి అప్ప‌గించాల్సివ‌స్తోంది. అయితే విజ‌య్ దేవ‌ర‌కొండ మాత్రం `మీరు ద‌ర్శ‌క‌త్వం వ‌హిస్తేనే ఈ సినిమా చేస్తా` అన్నాడ‌ట. కానీ త్రివిక్ర‌మ్ ద‌గ్గ‌ర అంత టైమ్ లేదు. `మీరు చేస్తానంటే. ఎన్ని నెల‌లైనా ఎదురు చూస్తా` అని విజ‌య్ చెప్ప‌డంతో... త్రివిక్ర‌మ్ త‌న ప్ర‌య‌త్నాన్ని విరమించుకొన్నాడ‌ట. ఒక‌వేళ... విజ‌య్ ఓకే అంటే.. ఈ సినిమాని వీలైనంత త్వ‌ర‌గా ప‌ట్టాలెక్కించాల‌న్న‌ది త్రివిక్ర‌మ్ ఆలోచ‌న. `మేజ‌ర్‌` తో హిట్ ఇచ్చిన శ‌శికిర‌ణ్ తిక్కా కి ఈ క‌థ అప్ప‌గించి, విజ‌య్ తో చేయించాల‌ని ఆయ‌న ప్లాన్‌. కానీ.. విజ‌య్ `నో` చెప్ప‌డంతో అది ఆగిపోయింది.
