స‌రిలేరు నీకెవ్వ‌రుతో 13 ఏళ్ల త‌ర‌వాత మ‌ళ్లీ కెమెరా ముందుకు వ‌స్తోంది విజ‌య‌శాంతి. ఈ సినిమా కోసం విజ‌య‌శాంతికి క‌నీవినీ ఎరుగ‌ని పారితోషికం ఇచ్చార‌ని బ‌య‌ట ప్ర‌చారం జ‌రుగుతోంది. ఈ సినిమా త‌ర‌వాత విజ‌య‌శాంతి ఇక వ‌రుస‌గా సినిమాలు చేస్తార‌ని కూడా చెప్పుకుంటున్నారు. కోట్ల‌కి కోట్లు డ‌బ్బులు వ‌చ్చిప‌డుతుంటే - సినిమాల‌కు ఎందుకు దూరంగా ఉండాలి..? అందుకే విజ‌య‌శాంతి కూడా ఇక వ‌రుస పెట్టి సినిమాలు చేస్తుంద‌ని భావించారు. వీటిపై విజ‌య‌శాంతి క్లారిటీగానే ఉంది.

వ‌రుస పెట్టి సినిమాలు చేసే ఉద్దేశం త‌న‌కు లేద‌ని, త‌న ప్రాధాన్యం రాజ‌కీయాల‌కే అని, ఆ త‌ర‌వాత స‌మ‌యం మిగిలితే, పాత్ర న‌చ్చితే అప్పుడు సినిమాల గురించి ఆలోచిస్తాన‌ని అంటోంది. అయితే... స‌రిలేరు నీకెవ్వ‌రుపై విజ‌య‌శాంతి చాలా ఆశ‌లు పెంచుకుంది. ఈ సినిమాలో విజ‌య‌శాంతి పాత్ర‌కు చాలా ప్రాధాన్యం ఉంది. ఇక మీద‌ట త‌న కోసం ద‌ర్శ‌కులు, ర‌చ‌యిత‌లు పాత్ర‌లు రాసుకుంటార‌ని న‌మ్ముతోంది. ద‌ర్శ‌కులు కూడా `స‌రిలేరు నీకెవ్వ‌రు`లో లేడీ అమితాబ్ విజృంభ‌ణ చూడాల‌నుకుంటున్నారు. విజ‌య‌శాంతి పాత్ర పండితే - ఆ త‌ర‌హా పాత్ర‌లు సృష్టించ‌డానికి రెడీ అయిపోతున్నారు. సో.. మంచి పాత్ర వ‌స్తే విజ‌య‌శాంతి ఎందుకు వ‌దులుకుంటుంది. ఇక విజ‌య‌శాంతిని ఒప్పించిచాల్సిన బాధ్య‌త క‌థ‌కులు, ద‌ర్శ‌కుల‌దే.