బాహుబ‌లి, భ‌జ‌రంగీ భాయ్‌జాన్ లాంటి చిత్రాల‌కు క‌థ‌లు అందించి - ఆ విజ‌యాల్లో కీల‌క పాత్ర పోషించారు విజ‌యేంద్ర ప్రసాద్. `ఆర్‌.ఆర్‌.ఆర్‌` మూల కథ కూడా ఆయ‌న‌దే. ఇప్పుడు మ‌రో కథ సిద్ధం చేశారు. ఈ కథ రానా కోసం అని టాక్‌. ఇది చారిత్ర‌క, ఆధ్యాత్మిక నేప‌థ్యం ఉన్న కథ అని తెలుస్తోంది. వ‌ర్కింగ్ టైటిల్ గా 'సింగన్న' ఫిక్స్ చేశారు. వెంకటేశ్వర స్వామి పరివారంలోని లోని ఒక యోధుడి కథ. వంట చెర‌కు సిద్ధం చేసే యువ‌కుడిగా రానా క‌నిపిస్తాడ‌ని తెలుస్తోంది.
ఓ త‌మిళ ద‌ర్శ‌కుడికి ప్రాజెక్టు అప్ప‌గిస్తార‌ని స‌మాచారం. దీన్ని కూడా పాన్ ఇండియా స్థాయిలోనే రూపొందించాల‌ని స‌న్నాహాలు చేస్తున్నారు. విజ‌యేంద్ర ప్రసాద్ కథ, దానికి తోడు రానా హీరో. ఇంత‌కంటే ఈ ప్రాజెక్టుకు ఇంకేం కావాలి? పూర్తి వివ‌రాలు ఇంకొన్ని రోజుల్లో వెల్ల‌డ‌వుతాయి.
