బాక్సాఫీసు ద‌గ్గ‌ర మ‌ళ్లీ కొత్త సినిమాల హ‌డావుడి క‌నిపిస్తోంది. క‌రోనా భ‌యాలు త‌గ్గ‌డంతో జ‌నాలు థియేట‌ర్ల‌కు వ‌స్తున్నారు. మార్చి నుంచి పెద్ద సినిమాల హంగామా మొద‌లైపోతుంది. కాబ‌ట్టి, చిన్న - మీడియం రేంజు సినిమాల‌కు ఇదే మంచి త‌రుణం. వ‌చ్చే వారంలో భీమ్లా నాయ‌క్ వ‌స్తున్నాడు కాబ‌ట్టి... ఈలోగా, చిన్న సినిమాల‌న్నీ రిలీజ్ అయిపోవ‌డానికి ఉత్సాహం చూపిస్తున్నాయి. ఈనెల 18న ఏకంగా 8 సినిమాలు ప్రేక్ష‌కుల ముందుకు రాబోతున్నాయి.
మోహ‌న్ బాబు ప్ర‌ధాన పాత్ర పోషించిన చిత్రం `స‌న్నాఫ్ ఇండియా`. డైమండ్ ర‌త్న‌బాబు ద‌ర్శ‌కుడు. ఈ చిత్రాన్ని ఈనెల 18న విడుద‌ల చేయ‌బోతున్నారు. ఓటీటీ కోసం తీసిన సినిమా ఇది. నిడివి 80 నిమిషాలే. దీనితో పాటుగా వ‌ర్జిన్ స్టోరీ, భ‌డ‌వ రాస్కెల్, విశ్వ‌క్‌, గోల్ మాల్ 2020, సుర‌భి 70 ఎం.ఎం, బ్యాచ్‌, నీకూ నాకూ పెళ్లంట... ఈ వార‌మే విడుద‌ల అవుతున్నాయి. గ‌త‌వారం విడుద‌లైన చిత్రాల్లో డీజే టిల్లు విజ‌య‌భేరీ మోగిస్తోంది. మ‌రి ఈ వారం.. అలాంటి సినిమా ఏదైనా వ‌స్తుందేమో చూడాలి.
