తమిళ స్టార్ హీరో అజిత్ హీరోగా నటించిన చిత్రం 'వివేగం'. ఈ సినిమా తమిళనాడు లో రికార్డు కలెక్షన్స్ సాధించే విధంగా దూసుకుపోతుంది. గురువారం ప్రపంచ వ్యాప్తంగా విడుదలైన ఈ సినిమా, మొదటిరోజు రికార్డ్ స్థాయిలో ఓపెనింగ్ కలెక్షన్స్ ఉన్నాయని ట్రేడ్ పండితులు పేర్కొన్నారు.

చెన్నై లో ఈ సినిమా కలెక్షన్స్ సరికొత్త రికార్డ్ సృష్టిస్తున్నాయి. సూపర్ స్టార్ రజినీకాంత్ నటించిన 'కబాలి' చిత్రం రికార్డును ఈ సినిమా బ్రేక్ చేసింది. చెన్నై లో కబాలి తొలిరోజు రూ. 1.12 కోట్లు సాధించగా, వివేగం రూ. 1.21 కోట్లు సాధించి సరికొత్త రికార్డు సృష్టించింది. ఈ సినిమాకి మొదట్లో మిశ్రమ స్పందన వచ్చినప్పటికీ, మొదటిరోజు భారీ కలెక్షన్స్ రావటం విశేషం.

చెన్నై లో ఈ సినిమా రూ. 20 కోట్ల గ్రాస్ వసూళ్లు సాధించినట్టు ట్రేడ్ వర్గాల అంచనా. ప్రపంచ వ్యాప్తంగా ఈ సినిమాకి రూ. 30 కోట్ల గ్రాస్ కలెక్షన్స్ వచ్చినట్టు సమాచారం. ఒకవేళ ఇదే కనుక నిజమైతే 'కబాలి' రికార్డు చెరిగిపోవటం ఖాయం. రూ. 21 కోట్ల కలెక్షన్స్ తో 'కబాలి' ఇప్పటివరకు అగ్రస్థానంలో ఉంది.