పవన్ క‌ల్యాణ్ `వ‌కీల్ సాబ్` ప్రీ రిలీజ్ ఫంక్ష‌న్ ఆదివారం శిల్ప‌క‌ళావేదిక‌లో అంగ‌రంగ వైభ‌వంగా జ‌రిగింది. ఈ కార్య‌క్ర‌మానికి పవన్ ఇష్టులు, స‌న్నిహితులు అంతా హాజ‌ర‌య్యారు. ఒక్క త్రివిక్ర‌మ్ త‌ప్ప. పవన్ - త్రివిక్ర‌మ్‌ల మ‌ధ్య బాండింగ్ గురించి ప్ర‌త్యేకంగా చెప్పాల్సిన ప‌నిలేదు. పవన్ ఫంక్ష‌న్ అంటే... ఆయ‌న హాజ‌రు త‌ప్ప‌నిస‌రి. పైగా `వ‌కీల్ సాబ్` సినిమా ప‌ట్టాలెక్క‌డానికి త్రివిక్ర‌మ్ ప్ర‌ధాన కార‌కుడు. ఈ విష‌యాన్ని `వ‌కీల్ సాబ్` వేదిక‌పై పవన్, దిల్ రాజు, వేణు శ్రీ‌రామ్ కూడా చెప్పారు. అలాంటి త్రివిక్ర‌మ్ ఈ కార్య‌క్ర‌మానికి హాజ‌రు కాక‌పోవ‌డం షాక్ ఇచ్చింది.
త్రివిక్ర‌మ్ కి క‌రోనా పాజిటీవ్ అని తేలింద‌ని, ఆయ‌న ప్ర‌స్తుతం క్వారంటైన్‌లో ఉన్నార‌ని ప్ర‌చారం జ‌రుగుతోంది. ఈ విష‌య‌మై త్రివిక్ర‌మ్ గానీ, ఆయ‌న టీమ్ గానీ స్పందించ‌లేదు. ఆ కార‌ణంతోనే.. త్రివిక్ర‌మ్ ఈ కార్య‌క్ర‌మానికి రాలేదేమో అనిపిస్తోంది. ప్ర‌స్తుతం ఇదే టాపిక్ పై... త్రివిక్ర‌మ్ - పవన్ అభిమానులు ఆస‌క్తిగా చ‌ర్చించుకుంటున్నారు.క‌రోనా సోకితే..దాన్ని ప్ర‌క‌టించ‌డం సామాజిక బాధ్య‌త. దాన్ని త్రివిక్ర‌మ్ ఎందుకు విస్మ‌రించాడో మ‌రి..?! మ‌రింత‌కీ త్రివిక్ర‌మ్ కి నిజంగానే క‌రోనా సోకిందా, లేదంటే ఇవ‌న్నీ పుకార్లా? అనేది తెలియాల్సివుంది.
