హనుమాన్ సక్సెస్ తో మంచి హుషారుగా ఉన్నాడు తేజా సజ్జా, స్టార్ హీరోలతో పోటీ పడి విజయం సాధించిన తేజా , హనుమాన్ కోసం చాలా కష్టపడినట్టు సక్సెస్ మీట్ లో తెలియజేశాడు. షూటింగ్ టైమ్ లో తేజా కంట్లో దుమ్ము, ధూళి పడి కంటి చూపు కూడా కోల్పోయినట్లు చెప్పాడు. ఫైనల్ గా తన కష్టం ఫలించింది. హనుమాన్ సక్సెస్ తో ఇప్పుడు క్రేజీ ఆఫర్స్ అందుకుంటున్నాడు.
తేజ, చిరు అనుబంధం ఈనాటిది కాదు. ఆ అనుబంధం తోనే, హనుమాన్ ప్రీ రిలీజ్ ఈవెంట్ కి మెగాస్టార్ అటెండ్ అయ్యి, హనుమాన్ టీమ్ కి భరోసా నిచ్చారు. కంటెంట్ ఉంటే తప్పకుండా హిట్ అవుతుందని , థియేటర్స్ కొరత కారణంగా ఒక్క రోజు కాకపోతే ఇంకో రోజు సినిమా చూస్తారని, అధైర్య పడొద్దని, చిరు చెప్పినట్టు గానే, ఈ మూవీ ఘనవిజయాన్ని సాధించింది. ఇప్పుడు చిరంజీవి హీరో గా వస్తున్న విశ్వంభర సినిమాలో ఒక ఇంపార్టెంట్ క్యారెక్టర్ లో తేజా నటించనున్నట్టు సమాచారం.
విశ్వంభర సినిమాలో ఒక కీలక పాత్ర కోసం ఒక యంగ్ హీరో అయితే బాగుంటుందని డైరెక్టర్ వశిష్ట అనుకోవడం, ఆ క్యారెక్టర్ కోసం తేజ సజ్జాని సెలెక్ట్ చేయటం జరిగిందని టాక్. ఆ క్యారెక్టర్ కి సినిమాలో చాలా ఇంపార్టెన్స్ ఉంటుందని, కథని మలుపు తిప్పే పాత్రలో తేజా నటించ నున్నట్లు తెలుస్తోంది. తన కెరియర్ లో బిగ్గెస్ట్ హిట్ అందుకున్న తేజా, చిరు సినిమా ద్వారా ఎలా మెప్పిస్తాడో చూడాలి.
