గ‌త కొంత‌కాలంగా జ‌గ‌న్ మోహ‌న్ రెడ్డికి ట‌చ్‌లో ఉంటోంది మంచు ఫ్యామిలీ. ఈమ‌ధ్య విష్ణు కూడా జ‌గ‌న్‌ని క‌లిసొచ్చాడు. మోహ‌న్‌బాబు అయితే పూర్తిగా జ‌గ‌న్‌కే స‌పోర్ట్‌. మంచు మ‌నోజ్ సినిమాలు మానేసి ఈమ‌ధ్య సామాజిక సేవ అంటూ ప‌ల‌వ‌రిస్తున్నాడు. మ‌నోజ్ తిరుప‌తి కి షిఫ్ట్ అయిపోయాడు కూడా. ఈసారి తిరుప‌తి నుంచి మంచు ఫ్యామిలీలో ఎవ‌రికో ఒక‌రికి వైకాపా టికెట్టు ల‌భించ‌డం ఖాయం అనే ప్ర‌చారం జ‌రిగింది.
అయితే జ‌గ‌న్ మోహ‌న్ రెడ్డి అస‌లు మంచు ఫ్యామిలీనే పట్టించుకోవ‌డం లేదు. ఈ కుటుంబంలో ఎవ్వ‌రికీ టికెట్ ఇప్ప‌టి వ‌ర‌కూ ప్ర‌క‌టించ‌లేదు. అస‌లు.. పార్టీలోకి ర‌మ్మ‌ని ఆహ్వానించ‌లేదు కూడా. జ‌గ‌న్ త‌మ‌ని పార్టీలోకి ఆహ్వానిస్తార‌ని, అప్పుడు తిరుప‌తి నుంచి టికెట్టు అడ‌గొచ్చ‌ని మోహ‌న్‌బాబు భావించారు. జ‌గ‌న్ మాత్రం... మంచు ఫ్యామిలీని లైట్ తీసుకుని షాక్ ఇచ్చాడు. మ‌రి మంచు హీరోల నెక్ట్స్ స్టెప్ ఏమిటో.. ఏ పార్టీ వైపు ప‌డుతుందో చూడాలి.
