ఐక్లిక్ మూవీస్ టాక్ అఫ్ ది వీక్- శమంతకమణి & పటేల్ సర్

By iQlik Movies - July 16, 2017 - 12:23 PM IST

మరిన్ని వార్తలు

ఈ వారం తెలుగు ఇండస్ట్రీ బాక్స్ ఆఫీస్ వద్ద తమ అదృష్టాన్ని పరీక్షించుకోవడానికి రెండు చిత్రాలు వచ్చాయి.

అందులో ఒకటి- నలుగురు హీరోలు కలిసి చేసిన శమంతకమణి. సందీప్ కిషన్, ఆది, సుదీర్ బాబు & నారా రోహిత్ లు కలిసి చేసిన ఈ థ్రిల్లర్ సినిమాకి మంచి ఓపెనింగ్స్ వచ్చాయి.

యువ దర్శకుడు శ్రీరామ్ ఆదిత్య తన రెండవ చిత్రంలో కూడా ఒక వైవిధ్యమైన కథనే ఎంచుకున్నాడు. అయితే ఆ కథని నడిపించిన తీరులో ఇంకాస్త జాగ్రత్త వహించి ఉంటే బాగుండేది అనే టాక్ వినపడింది. రాజేంద్ర ప్రసాద్, సుమన్ లాంటి సీనియర్ నటులు ఈ చిత్రానికి అదనపు ప్లస్ అని సినిమా చూసిన ఆడియన్స్ చెబుతున్నారు.  

ఇక ఈ వారం వచ్చిన రెండవ సినిమా- పటేల్ సర్. జగపతి బాబునే నమ్ముకునిరాసిన కథకి 100% న్యాయం చేశాడని సినిమా చూసిన ప్రతిఒక్కరు ఒప్పుకున్న మాట. ఇక ఈ చిత్రం కోసం ఆయన మేక్ ఓవర్ కూడా ప్లస్ గా మారింది.

ఈ చిత్రాన్ని వారాహి చలన చిత్రం వారు నిర్మించడం అలాగే ఈ సినిమాని పరోక్షంగా దర్శకుడు రాజమౌళి తన ట్వీట్స్ ద్వారా ప్రమోట్ చేయడంతో ఈ సినిమాకి కావాల్సిన హైప్ వచ్చింది. అయితే ఈ చిత్రం బాక్స్ ఆఫీస్ వద్ద ఏమేరకు నిలబడనుందో అనే విషయం రేపటి కల్లా తెలిసిపోతుంది.

ఈ వారం వచ్చిన రెండు చిన్న బడ్జెట్ సినిమాలు అవ్వడం వల్ల ఈ చిత్రాల భవితవ్యం కలెక్షన్స్ పైన ఆధారపదనున్నాయి.

 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS

iQlik App is now on Google Play Store. See what the Celebs are saying about this APP. Download right Now