ప్ర‌ముఖ నిర్మాత ప‌రుచూరి కిరీటిపై పోలీసులు కేసు న‌మోదు చేశారు. జూబ్లీహిల్స్, ఫిల్మ్ న‌గ‌ర్‌ల‌లో కారు అతి వేగంగా న‌డుపుతున్న కార‌ణంగా కిరీటిపై  సెక్ష‌న్ 336  న‌మోదైంది.  గ‌త మూడు రోజులుగా ఇరుకు ఇరుకు సందుల్లో ప‌రుచూరి కిరీటి అత్యంత వేగంగా కారు న‌డుపుతున్న‌ట్టు అక్క‌డ గ‌స్తీ కాస్తున్న పోలీసులు గుర్తించారు. దాంతో పాటు ఓ ఉన్న‌తాధికారి కుమార్తెని అడ్డ‌గించి వేధిస్తున్నాడ‌ని మ‌రో అభియోగం కూడా కిరీటిపై ఉంది. కారులో పోకెమెన్ గేమ్ ఆడుతున్నాన‌ని, అందుకే.. కారు వేగంగా న‌డిపాన‌ని పోలీసుల ముందు కిరీటి ఒప్పుకొన్న‌ట్టు స‌మాచారం.  దాంతో కిరీటి మ‌రింత ఇబ్బందుల్లో ప‌డే అవ‌కాశం ఉంది.  ప్ర‌స్తుతం ప‌రుచూరి కిరీటి సునీల్‌తో ఉంగ‌రాల రాంబాబు అనే చిత్రాన్ని తెర‌కెక్కిస్తున్నాడు. త్వ‌ర‌లోనే ఈ చిత్రం విడుద‌ల కానుంది.