వివాదం, వర్మ అనేవి రెండు జంట పదాలుగా అభివర్ణించవచ్చు. ఎందుకంటే, ఆర్జీవీకి వివాదాలకి అంత దగ్గరి సంబంధం ఉంటుంది. ఇక తాజా వివాదం విషయానికి వస్తే, ఆయన నుండి ఈమధ్యనే భయటకి వచ్చిన GOD, SEX & TRUTH అనే అడల్ట్ వీడియో ఇప్పుడు హల్చల్ చేస్తున్నది.
ఈ సమయంలోనే ఈ కాన్సెప్ట్ తనది అంటూ జయకుమార్ అనే యువ రచయత బయటకి వచ్చాడు. తాను గతంలో ఆర్జీవీని కలిసి ఈ కాన్సెప్ట్ ని వివరించినట్టు తెలిపాడు. ఇక ఈ కథ కాపీరైట్స్ విషయమై తాను న్యాయస్థానాన్ని సంప్రదించనున్నట్టు కూడా చెప్పుకొచ్చాడు. ఇవ్వన్ని పక్కకి పెడితే, ఆర్జీవీ దర్శకత్వం వహించిన సర్కార్ 3 చిత్రానికి కథా రచయతగా జయకుమార్ పనిచేయడం విశేషం.
అయితే ఈ అంశం పైన దర్శకుడు ఆర్జీవీ స్పందించాల్సి ఉంది. ఇప్పటికైతే ఈ GST వీడియో ట్రైలర్ కి మంచి రెస్పాన్స్ రావడం పలువురు ఈ ట్రైలర్ పైన తమ అభిప్రాయాలని కూడా చెబుతుండడంతో ఆర్జీవీ చాలా సంతోషంగా ఉన్నాడు. మహేష్ కత్తి కూడా ఈ వీడియో పైన పాజిటివ్ గా స్పందించడం, దానికి ఆర్జీవీ కృతజ్ఞతలు తెలపడం కూడా జరిగిపోయాయి.
ఇక ఈ GST ఫుల్ వీడియో ఈ నెల 26న మియా మల్కొవా విమియో ఎకౌంటు ద్వారా విడుదల కానుంది.
