పూరి జగన్నాథ్ దర్శకత్వంలో ఎనర్జిటిక్ స్టార్ రామ్ హీరోగా తెరకెక్కిన 'ఇస్మార్ట్ శంకర్' పోయినేడాది సంచలన విజయం సాధించిన సంగతి తెలిసిందే. ఈ సినిమా విజయం హీరోకు, దర్శకుడికి, సంగీత దర్శకుడు మణిశర్మ ఇలా అందరికీ మంచి బూస్ట్ ఇచ్చింది. ఈమధ్య 'ఇస్మార్ట్ శంకర్' రిలీజ్ అయి ఏడాది కావడంతో సోషల్ మీడియాలో సంబరాలు కూడా జరిగాయి. తాజాగా ఈ సినిమా ఖాతాలో మరో రికార్డు కూడా వచ్చి చేరింది.
ఈ సినిమాకు మణిశర్మ అందించిన సంగీతం సంగీత ప్రియులను విపరీతంగా మెప్పించిన సంగతి తెలిసిందే. సినిమా విజయంలో సంగీతం పాత్ర ఎంతో ఉంది. తాజాగా 'ఇస్మార్ట్ శంకర్' ఆల్బమ్ పాపులర్ మ్యూజిక్ స్ట్రీమింగ్ ఆప్ అయిన జియో సావన్ లో లో 100 మిలియన్ల స్ట్రీమ్స్ నమోదు చేసి సంచలనం సృష్టించింది. దీన్నిబట్టి 'ఇస్మార్ట్ శంకర్' మ్యూజిక్ ఏ రేంజిలో విజయం సాధించిందో మనం అర్థం చేసుకోవచ్చు.
ఈ మధ్య తెలుగు సినిమాల పాటలకు భారీ ఆదరణ దక్కుతోంది.. ముఖ్యంగా 'అల వైకుంఠపురములో' సినిమా పాటలు దేశవ్యాప్తంగా సంచలనం సృష్టిస్తున్నాయి. ఆ సినిమానే కాకుండా 'ఇస్మార్ట్ శంకర్' లాంటి ఇతర సినిమాలు కూడా భారీ ఆదరణ దక్కించుకుంటూ తెలుగు సినిమాల తెలుగు పాటలు రేంజిని నెక్స్ట్ లెవెల్ కు తీసుకుపోతున్నాయి.
