మెగాస్టార్ చిరంజీవి ప్రస్తుతం కొరటాల శివ దర్శకత్వంలో 'ఆచార్య' అనే సినిమాలో నటిస్తున్నారు. దాదాపు 50 శాతానికి పైగా షూటింగ్ పూర్తి చేసుకున్న ఈ సినిమా లాక్ డౌన్ కారణంగా ఆగింది. పరిస్థితులు చక్కబడిన వెంటనే షూటింగ్ తిరిగి ప్రారంభమౌతుంది. ఇదిలా ఉంటే ఈ సినిమా నెక్స్ట్ షెడ్యూల్ గురించి ఒక ఆసక్తికరమైన సమాచారం బయటకు వచ్చింది.
ఈ సినిమా కథ దేవాదాయ ధర్మాదాయ శాఖ లో అవినీతిపరులు , దేవాలయాలకు సంబంధించిన భూములను కబ్జా చేసే వారిపై హీరో చేసే పోరాటం అని టాక్ ఉంది. చిరంజీవి సినిమాలో దేవాదాయ శాఖలో పనిచేసే ఉద్యోగిగా కనిపిస్తారట. ప్రస్తుతం ఈ సినిమా కోసం ''ఆచార్య' టీమ్ ఒక అందమైన గుడి సెట్టు నిర్మిస్తున్నారని సమాచారం అందుతోంది. ఈ సెట్ ను రామోజీ ఫిలిం సిటీలో నిర్మిస్తున్నారని, 'ఆచార్య' నెక్స్ట్ షెడ్యూల్ చిత్రీకరణ జరుపుతారని అంటున్నారు.
కథానుసారం ఆలయంలో, ఆలయ ఆవరణలో కొన్ని కీలకమైన సన్నివేశాలను చిత్రీకరించాల్సి ఉందని, అవన్నీ ఈ సెట్లోనే చిత్రీకరిస్తారని సమాచారం. ఈ సినిమాలో చిరంజీవి సరసన కాజల్ అగర్వాల్ హీరోయిన్ గా నటిస్తోంది. రామ్ చరణ్ మరో కీలకమైన పాత్రలో నటిస్తున్నారు.
