బిగ్ బాస్ 4 హంగామా త్వ‌ర‌లో మొద‌లు కాబోతోంది. ఈ సీజ‌న్‌కి నాగార్జున హోస్ట్ గా ఫిక్స‌యిపోయారు. మిగిలిన కంటెస్టెంట్లు ఎవ‌రన్న విష‌యంలో ఆస‌క్తిక‌ర‌మైన చ‌ర్చ న‌డుస్తోంది. ఇప్ప‌టికే కొంత‌మంది పేర్లు బ‌య‌ట‌కు వ‌చ్చాయి. వాళ్ల‌లో ఎవ‌రు చివ‌రి వ‌ర‌కూ ఉంటారో తెలీదు గానీ, ప్ర‌స్తుతానికి కంటెస్టెంట్ల‌ను చూస్తుంటే ఈ సీజ‌న్ మ‌రింత ర‌స‌వ‌త్త‌రంగా జ‌రిగే ఛాన్సుంద‌ని మాత్రం అర్థ‌మైపోతోంది.

తరుణ్, శ్రద్ధాదాస్, ఝాన్సీ, రష్మీ గౌతమ్, వర్షిణి పేర్లు ఇప్ప‌టికే బ‌య‌ట‌కు వ‌చ్చాయి. ఇప్పుడు హైపర్ ఆది, స్టార్ సింగర్స్ సునీత, మంగ్లీ, హీరో నందు, తాగుబోతు రమేష్, వైవా హర్ష, అఖిల్ సార్ధక్ పేర్లూ గ‌ట్టిగానే వినిపిస్తున్నాయి. వీళ్లు కాక‌.. మ‌రికొంత‌మంది మాజీ హీరోయిన్ల పేర్లూ ప‌రిశీలిస్తున్నారు. బిత్తిరి స‌త్తి పేరు కూడా ప్ర‌ముఖంగా వినిపిస్తోంది. వీళ్ల‌లో ఎవ‌రు ఖాయం అన్న‌ది ఇంకొన్ని రోజులు ఆగితే తెలిసిపోతుంది.