సుమ-రాజీవ్ కనకాల కొడుకు రోషన్ నటించిన మొదటి మూవీ 'బబుల్ గమ్' ప్రేక్షకుల ముందుకు వచ్చింది. తెలుగు అమ్మాయి మానసా చౌదరి హీరోయిన్ గా పరిచయం అయ్యింది. సుమ వారసుడు ఫ్యామిలీ మూవీతో కాకుండా మాంచి మసాలాతో ఆడియన్స్ కి షాక్ ఇచ్చాడు. 'బబుల్ గమ్'కు సెన్సార్ బోర్డు 'ఎ' సర్టిఫికెట్ ఇచ్చారు. హీరో హీరోయిన్ల మధ్య లిప్ లాక్స్, రొమాన్స్ వల్ల 'పెద్దలకు మాత్రమే' అని స్పష్టం చేశారు.
సినిమా చూసిన తర్వాత చాలా మంది ఆ రేంజ్ రొమాన్స్ చూసి షాక్ అయ్యారు. గోవాలో తీసిన ఒక పాటలో ఏకంగా 14లిప్ లాక్ సీన్స్ ఉండటం విశేషం. ఈ మధ్య వచ్చిన యానిమల్ మూవీలో కూడా ఒక సాంగ్ లో కొన్ని లిప్ లాక్ లుంటేనే అందరూ సందీప్ ని, రష్మికను ఆడిపోసుకున్నారు. ఇప్పుడు యానిమల్ ని మించి బబుల్ గమ్ లో ముద్దు సీన్స్ ఉన్నాయి.
తెలుగు అమ్మాయిలు చాలా రూల్స్ పెడతారని, రొమాంటిక్ సీన్స్ చేయడానికి ఇష్ట పడరనే అభిప్రాయంలో ఉన్నవారికి మానసా చౌదరి బల్లగుద్ది చెప్పినట్టు అయ్యింది. క్యారెక్టర్ డిమాండ్ చేస్తే ఎలాంటి సీన్స్ అయినా చేయటానికి రెడీ అని హింట్ ఇచ్చింది. ఏ మాట కామాట సగం మంది మూవీ చూడటానికి కారణం మానస గ్లామరని పబ్లిక్ టాక్. గ్లామర్ గాళ్ గా ఆకర్షిస్తూనే నటనకు కూడా ప్రశంసలు అందుకుంది. 2024 లో మానస హావా కచ్చితంగా ఉండొచ్చు.
